पोखरा । पोखरामा नक्कली सुन बिक्री गर्न खोज्ने ७ जनाको गिरोहलाई कास्की प्रहरीले पक्राउ गरेको छ ।
सुन भनेर सुन जस्तो धातु देखाएर बिक्री गरी मानिसलाई ठगी गर्न खोजेको अभियोगमा प्रहरीले उनीहरुलाई पक्राउ गरेको कास्कीका प्रहरी नायव उपरीक्षक तथा प्रहरी प्रवक्ता सुवास हमालले जानकारी दिए।
हमालका अनुसार पोखरा महानगरपालिका -८ सृजनाचोकस्थित पर्वत सुनचाँदी पसलमा कालीगढको रुपमा काम गर्ने भुवन बिक समेतका मानिसले सुन भनेर धातु बोकेर ठगी गर्न लागेको भन्ने सूचनाका आधारमा जिल्ला प्रहरी कार्यालयबाट खटिएको प्रहरीको टोलीले उनीहरुलाई 999.9 Fine Gold YS-180A लेखिएको नक्कली धातु र ८ थान मोवाइलसहित पक्राउ गरेको हो।
पक्राउ पर्नेमा म्याग्दी जिल्ला रघुगंगा गाउँपालिका -३ राखु स्थायी घर भइ हाल पोखरा -२ मिरुवा बस्ने ४२ वर्षीया बिमला दमाई, रुपन्देही जिल्ला देवदह नगरपालिका -५ नमुना टोल स्थायी घर भइ हाल पोखरा -६ फिर्के बस्ने ३५ वर्षीय विशाल थापा मगर, कास्की अन्नपूर्ण गाउँपालिका -३ पाउदुर स्थायी घर भइ हाल पोखरा -३ मिरुवा बस्ने ४४ वर्षीय गणेश बहादुर दर्जी, रामेछाप जिल्ला सुकाजोर नगरपालिका -७ वृता स्थायी घर भै हाल पोखरा -१० रामबजार बस्ने २३ वर्षीय अनिल भुजेल, सर्लाही जिल्ला बागमती नगरपालिका -१ डापडाँडा स्थायी घर भइ हाल पोखरा -१० रामबजार बस्ने ४२ वर्षीय ईन्द्र बहादुर बलम पाकी, चितवन जिल्ला टाँडी नगरपालिका -२ स्थायी घर भइ हाल पोखरा -८ सृजनाचोक बस्ने ३४ वर्षीय भुवन बिक र चितवन जिल्ला राप्ती नगरपालिका -९ स्थायी घर भइ हाल पोखरा -१० रामबजार कृष्णमन्दिर बस्ने ३५ वर्षीय प्रकाश परियार रहेका छन्।
प्रहरीले वरामद गरेको उक्त धातुलाई परीक्षणका लागि सुनचाँदी व्यवसायी संघ कास्कीमा पठाउँदा उक्त धातु सुन नभएको पुष्टि भएको थियो ।
पक्राउ परेका उनीहरुविरुद्ध मुलुकी अपराध संहिता २०७४ को परिच्छेद २१ अन्तर्गत सम्मानित कास्की जिल्ला अदालतबाट ठगी, आपराधिक बिश्वासघात तथा आपराधिक लाभ सम्बन्धी कसूर अन्तर्गत जिल्ला अदालत कास्कीबाट १० दिनको म्याद थप अनुमति लिएर आवश्यक अनुसन्धान प्रक्रिया अगाडि बढाइएको प्रवक्ता हमालले जानकारी दिए ।
सम्बन्धित खबर
पोखरामा पेस्तोल सहित एक व्यक्ति पक्राउ
विदेश पठाउने भन्दै पीडितहरू बाट ४० लाख बढी ठगी, २ पक्राउ
पोखरामा १० केजी दुर्लभ वन्यजन्तुको मासुसहित एक पुरूष पक्राउ
पोखरास्थित दराज अनलाइनको कार्यालयबाट नगद तथा सामान चोरी गर्ने ३ जना पक्राउ
बिरौटामा जुवातास खेलिरहेका ४ जना नगदसहित पक्राउ
पोखराको लेकसाइडबाट दिउँसै स्कुटर चोर्दै गर्दा एक पक्राउ
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग