Gandak News
Our News Your Views
Promote your business here Gandaknews

एक हप्तापछि एकतर्फी खुल्यो पर्वत-बागलुङ सडक

भदौ १७ गतेको पहिरोले ठाउँठाउँमा क्षति पुर्‍याएपछि पूर्ण रुपमा बन्द भएको मध्यपहाडी लोकमार्ग अन्तर्गतको पर्वत-बागलुङ खण्ड बिहीबारदेखि एकतर्फी रुपमा सञ्चालनमा आएको छ । तीन दिनसम्म लगातार मर्मतको काम गरेपछि साँझ ६ बजेदेखि एकतर्फी रुपमा सडक खुलेको जिल्ला प्रशासन कार्यालय पर्वतले जनाएको छ ।

‘ठाउँठाउँमा पहिरो गएर पूरै हाइवे अवरुद्ध भएपछि समस्या भएको थियो । ३ दिनसम्म ठाउँठाउँमा विस्फोटक पदार्थ प्रयोग गरेर भए पनि वानवे खुलाएका छौं,’ पर्वतकी प्रमुख जिल्ला अधिकारी देवी पाण्डे खत्रीले भनिन् ।

करिब १२ किलोमिटर सडक पहिरो खसेपछि एक सातादेखि अवरुद्ध भएको थियो । सडक दुईतर्फी रुपमा नै सञ्चालन गर्न अझै केही दिन लाग्ने प्रजअ पाण्डेले बताइन् ।

पर्वत–बागलुङ सडक अवरुद्ध भएपछि बुधबारदेखि पर्वत, कार्कीनेटा हुँदै पोखरा आउने सडकलाई वैकल्पिक सडकका रुपमा प्रयोग गर्न थालिएको थियो । भदौ १७ गते आएको बाढी पहिरोले पर्वतमा एकै परिवारका ५ जनासहित ११ जनाले ज्यान गुमाएका थिए ।

Pokhara Internet
प्रतिक्रिया
लोड हुँदै ...

छुटाउनुभयो कि ?

साताको ट्रेन्डिङ

पढ्न सिफारिस