पोखरा। कास्की प्रहरीले पोखराका विभिन्न स्थानबाट लागु औषधसहित तीन जनालाई पक्राउ गरेको छ।
जिल्ला प्रहरी कार्यालयबाट खटिएको प्रहरीको टोलीले पोखरा महानगरपालिका -२५ हेमजाबाट एक जना र पोखरा -३० पावरहाउसबाट दुई जना गरी तीनजनालाई अवैध लागु औषधसहित पक्राउ गरेको कास्कीका प्रहरी नायव उपरीक्षक तथा प्रहरी प्रवक्ता सुन्दर तिवारीले जानकारी दिए।
तिवारीका अनुसार पक्राउ पर्नेमा मकवानपुर जिल्ला हेटौंडा उपमहानगरपालिका -१ बस्ने १९ वर्षीय आशिष अर्याल, पोखरा -१३ काहुँखोला बस्ने २५ वर्षीय अनिश खत्री र बागलुङ जिल्ला बागलुङ नगरपालिका -८ बस्ने १७ वर्षीय एक किशोर (नाम नखुलाइएको) छन्।
पक्राउ परेका उनीहरुमध्ये आशिष अर्यालको साथबाट डाईजापाम-६५ एम्पुल, फेनारगन- ६८ एम्पुल र नुर्फिन -७३ एम्पुल गरी जम्मा -२०६ एम्पुल लागु औषध वरामद भएको छ भने, अनिश खत्रि र १७ वर्षीय किशोरको साथबाट क्रमसः डाईजापाम -१५ एम्पुल, फेनारगन -१५ एम्पुल र नुर्फिन- १५ एम्पुल गरी जम्मा ४५ एम्पुल र डाईजापाम- ३२ एम्पुल, फेनारगन -३२ एम्पुल र नुर्फिन- ३२ एम्पुल गरी ९६ एम्पुलसहित कूल ३४७ एम्पुल लागु औषध वरामद भएको छ।
पक्राउ परेका उनीहरुमाथि जिल्ला अदालत कास्कीबाट लागु औषध सम्बन्धी कसुरमा ५ दिनको म्याद थपको अनुमति लिएर आवश्यक अनुसन्धान कार्य अगाडि बढाइएको प्रवक्ता तिवारीले बताए।
सम्बन्धित खबर
लमजुङमा बालिकालाई जबर्जस्ती करणी गर्न खोज्ने पक्राउ
पाल्पामा १८ वर्षीया किशोरीको शव फेला, हत्याको आशंका
ललितपुरमा होली खेल्ने क्रममा दुई समूहबीच झडप, दुईजनाको मृत्यु
श्रीमान मार्न जेठी श्रीमतीको सुपारी, प्रेमीसहित ४ जना पक्राउ
कोदालो प्रहार गरी श्रीमतीको हत्या, दुईजना गम्भीर
श्रीमतीको हत्यापछि श्रीमानले गरे आत्महत्या
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग