पोखरा । गण्डकी प्रदेश सरकारका अर्थ मन्त्री रामजी प्रसाद बराल जीवनलेनयाँ नेपाल निर्माण गर्न प्राविधिक सहित वातावरणीय हिसावले अब सोच्नु पर्ने समय आएको बताएका छन् ।

एकीकृत प्रगतीशिल इन्जिनियर समुहको चुनावी सभा तथा उम्मेदवार परिचयात्मक कार्यक्रममा सोमबार सम्बोधन गर्दै मन्त्री बरालले नयाँ नेपाल निर्माण गर्न दक्ष प्राविधिक सहितको वातावरणीय हिसावले समेत सोच्नुपर्ने समय आएको बताएका हुन् ।

देशमा प्रगतीशिल इन्जिनीयरहरु खाँचो भएको बताउदै उहाँले नयाँ नेपाल निर्माण गर्ने बिषयमा अब पूर्वाधार सहित वातावरणलाई समेत मध्यनजर गर्नुपर्नेमा जोड दिए । मन्त्री बरालले देशमा जलवायु परिवर्तनले गर्दा पनि वातावरण विस्तारै परिवर्तन हुँदै गएकोले त्यसको सन्तुलन कायम गर्दै भौतिक विकास र देशको समृद्धि गर्न आवश्यक भएको बताए । विभिन्न क्षेत्रमा विज्ञेता हासिल गरेका व्यत्तिहरुको देशमा खाँचो भएको बताउदै मन्त्री बरालले गठबन्दन भएको हिसावले इन्जिनीयर एशोसियसनको आगामी निर्वाचनमा जित सुनिश्चत गर्न आग्रह गरे । निर्वाचनमा जे पनि हुन सक्ने बताउँदै मन्त्री बरालले थप सचेतना अपनाउन समेत प्रत्यासी उमेदवारलाई सुझाव दिए ।

गण्डकी प्रदेश सभाका अर्थ तथा विकास समितिका सभापति दीपक कोइराला रुपकले देशमा समृद्धि सहित गुणस्तरिय विकासका लागि दक्ष इन्जिनीयरहरुको खाँचो भएको बताए । समुन्नत नेपाल बनाउन घोषणा पत्रमा उल्लेख भएका कुरा पालना गरे करिब तीन पुस्ता समायोजन भएको उमेदवारका प्रत्यासिहरुको जित सुनिश्चित भएको दाबी गरे । नेकपा एकिकृत मसाजबादी कास्कीका सहसचिव पूर्ण लामाले प्रगतीशिल बिचार र कार्य विना देशमा आर्थिक विकास र समृद्धि हासिल गर्न नसकिने दाबी गरे । केन्द्रिय सभापतिका प्रत्यासि उमेदवार ई.डा.हरिराम पराजुलीले एशोसियसनले इन्जिनीयरहरुको हकहितमा काम गर्न नसक्दा १५ हजार भन्दा कम तलवमा काम गर्न बाध्य हुनु परेको गुनासो गरे । देशको विकास र समृद्धि गराउने गरी दु्रत गतिमा काम गर्दा प्रत्येक वडामा ३ जना इन्जिनीयरहरु खाँचो हुने उनको दाबी छ । देशमा हाल करिब ६५ हजार इंन्जिनीयरहरु भएको पराजुलीले बताए । गण्डकी प्रदेशका अध्यक्षका प्रत्यासी ई.डा.गोविन्द प्रसाद लामिछानेले आफुहरु प्रगतीशिल पार्टी निकट संगठनको गठबन्दन भएकोले जित प्रायः सुनिश्चित भएको दाबी गरे ।

नेपाल इन्जिनीयर्स एशोसियसनको आगामी माघ ७ गते हुने ३३ औं केन्द्रिय कार्यकारिणी समिति र प्रदेशको दोश्रो कार्यकारी समितिको निर्वाचनको मिति तय भए पनि कोरोनाको तेश्रो लहरका कारण के हुन्छ भन्ने बिषयमा हाल अन्यौल भएको छ । उक्त समुहको निर्वाचन परिचालन समिति, गण्डकी प्रदेशका संयोजक विकास वाग्लेको अध्यक्षतामा उक्त कार्यक्रम भएको सचिव अनिस ढकालले बताए । गण्डकी प्रदेशमा २ हजार ५१ जना मतदाता रहेको सचिवका प्रत्यासी उमेदवार जीवन थापाले जनाए ।