नवलपुर । नेकपा एमालेका निवर्तमान सचिव एवं संविधान सभा सदस्य जीवन श्रेष्ठले सक्रिय राजनीतिबाट संन्यास लिएको घोषणा गरेका छन् ।
मंगलबार साँझ सामाजिक सन्जाल फेसबुकमा स्टाटस लेखेर श्रेष्ठले सक्रिय राजनीतिबाट सन्यास लिएको घोषणा गरेका हुन् ।
उनले फेसबुकमा लेखेका छ्न् ‘पार्टीलाई गाह्रो, अप्ठ्यारो र विभाजनको बखत पार्टी एकता र सुढृद गर्दै ‘सम्बृद्ध नेपाल सुखी नेपाली’ को आकाङ्क्षा पूरा गर्ने अभियानमा अबिछिन्न लागिरहेको र हाल केही असहज परिस्थितिको कारण आजका (२०७८–०९–२७) मितिदेखि सक्रिय राजनीतिबाट विश्राम लिने घोषणा गर्दछु।’
सोमबार सम्पन्न नेकपा एमालेको आठौं जिल्ला अधिवेशनमा अध्यक्षमा दाबेदारी व्यक्त गरेका श्रेष्ठ र अर्का उम्मेदवार निवर्तमान जिल्ला अध्यक्ष रोशनबहादुर गाहा मगरबीच सहमति नहुँदा अध्यक्ष मण्डलको प्रस्तावमा मुक्तिराम पाण्डेलाई बन्द सत्रले सर्वसम्मत अध्यक्षमा चयन गरेको थियो ।
नेता श्रेष्ठको स्टाटस जस्ताको त्यस्तै:
सकृय राजनितिबाट सन्यास घोषणा
म जिवन श्रेष्ठ २०२९ साल देखि झापा बिद्रोहबाट प्रभावित भई अनेरास्ववियु नजिक रहि २०३० साल देखि अनेरास्ववियु छैटौंमा आबद्ध रहेको र २०३२ सालबाट अनेरास्ववियुमा सङ्गठित भइ नेकपा (केर के) नेकपा माले हुदै एमालेमा सङ्गठित भइ २०४९ साल र २०५४ सालको स्थानीय निर्वाचनमा गाबिस उपाध्यक्ष र २०७० सालको संविधान सभा निर्वाचनमा निर्वाचित भइ संविधान घोषणा सम्म भुमिका निर्वाहा गरेको र नेकपा एमाले पार्टीमा गाउँ कमिटि, इलाका, क्षेत्रीय कमिटिको सदस्य र प्रमुख भुमिका निर्वाहा गर्दै २०५४ साल देखि पार्टी जिल्ला कमिटिको सदस्य, २०६३मा उपाध्यक्ष र २०६९ सालदेखि सचिब पदको भुमिका निर्वाहा गर्दै आइरहेको र पार्टीलाइ गाह्रो, अप्ठ्यारो र बिभाजनको बखत पार्टी एकता र सुढृद गर्दै “सम्बृद्ध नेपाल सुखि नेपालि” को आकाङ्क्षा पुरा गर्ने अभियानमा अबिछिन्न लागि रहेको र हाल केहि असहज परिस्थितिको कारण आजका ९२०७८र०९र२७० मिति देखि सकृय राजनितिबाट बिश्राम लिने घोषणा गर्दछु।
मेरो ४२ बर्षको राजनितिक सकृय जिवन यात्रामा मलाइ साथ सहयोग गर्नुहुने सम्पुर्ण जन, नेकपा एमाले पार्टी र राजनितिको शिक्षा(दिक्षा दिनुहुने नेतागण र साथ सहयोग दिनुहुने पार्टी कार्यकर्ता र हरेक मोर्चा , आन्दोलनमा एकेबद्धता प्रकट गर्नुहुने तथा मतदान गर्नुहुने सम्पुर्ण जनसमुदायमा हार्दिक आभार प्रकट गर्दै धन्यवाद दिन चाहान्छु। यस उप्रान्त जनताको प्रतिनिधि र सेवकको रुपमा सदैब सेवारत रहने प्रतिबद्धता समेत जाहेर गर्दछु।
जिवन श्रेष्ठ, कावासोति ३, नवलपुर, गण्डकी प्रदेश।
सम्बन्धित खबर
गैंडाकोटमा स्कुल बसले स्कुटरलाई ठक्कर दिँदा पर्वतकी पार्वतीको घटनास्थलमै मृत्यु, आशिका घाइते
नवलपुरमा मोटरसाइकल दुर्घटना हुँदा एक जनाको मृत्यु, दुई घाइते
नेकपा एसका नवलपुर जिल्ला अध्यक्षसहित नेता कार्यकर्ता एमाले फर्किए
नवलपुरमा मोटरसाइकल दुर्घटना हुँदा एक युवकको मृत्यु
दुर्घटनामा परी कांग्रेस नेता एवम् पूर्व मन्त्री बलराम पौडेलको निधन
नवलपुरमा स्कुटरको ठक्करबाट पैदलयात्रीको मृत्यु
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग