लमजुङ । लमजुङको सिउँडीबार क्षेत्रमा कर्फ्यू आदेश जारी गरिएको छ ।
जिल्ला प्रशासन कार्यालयले आज बिहान ६ बजेदेखि अनिश्चितकालका लागि कर्फ्यू जारी गरेको हो ।
सुन्दरबजार नगरपालिका–९ को सिउँडीबारस्थित फ्युचरस्टार आवासीय माध्यमिक विद्यालयका कक्षा १० मा पढ्ने १८ वर्षीय छात्र सनिज श्रेष्ठको हिजो (मंगलबार) मृत्यु भएपछि तनाव बढ्नसक्ने भन्दै कर्फ्यू लगाइएको हो ।
हिजो दिउँसो मर्स्याङदी नदीमा पौडी खेल्ने क्रममा डुबेर तनहुँको भानु नगरपालिका ९, बाइसजाँगरका श्रेष्ठको मृत्यु भएको थियो । विद्यार्थीको मृत्युको विषयलाई लिएर उत्पन्न विषम परिस्थितिलाई मध्यनजर गरी कर्फ्यू लगाइएको जनाइएको छ ।
छात्राबासका वार्डेनले बिदाको दिन (मंगलबार) विद्यार्थीलाई नदीमा पौडी खेल्न लगेका थिए । तर, पौडी खेल्ने क्रममा श्रेष्ठको निधन भएपछि आफन्तले फ्युचरस्टार स्कुलको गेट तोडफोड गरेका थिए । उनीहरूले २ वटा स्कुल बस, गाडी र भ्यान तोडफोड गरेपछि स्थिति नियन्त्रणमा लिन कर्फ्यू जारी गर्नुपरेको जिल्ला प्रशासन कार्यालयले जनाएको छ ।
सम्बन्धित खबर
स्याङ्जा भिरकोटका दुईजना अवैध लागूऔषधसहित पक्राउ
पोखराको लेकसाइडबाट अवैध लागु औषध र नगदसहित ४ जना पक्राउ
बागलुङमा रुखबाट खसेर एक जनाको मृत्यु
गण्डकी प्रज्ञा–प्रतिष्ठानले प्रकटका कृति प्रकाशन गरिदिने
पोखरामा सहकारी पीडित संगठित, ६ वटा सहकारीबाट पीडित भएकाहरुले बनाए संघर्ष समिति
पोखरा आउँदै गरेको कार तनहुँमा दुर्घटना, चार जना घाइते
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग