काठमाण्डौ। नेपालमा अर्थतन्त्रका सूचकहरू झनै नकारात्मक बनेका छन् । नेपाल राष्ट्र बैंकले सार्वजनिक गरेको गएको साउनदेखि फागुनसम्मको विवरणअनुसार मूल्य वृद्धि सात दशमलव १४ प्रतिशत पुगेको छ । यस्तै चालु आर्थिक वर्षको आठ महिनामा कुल वस्तु तथा व्यापार घाटा ३४.५ प्रतिशतले बढेको छ ।
अघिल्लो वर्षको सोही अवधिमा यस्तो घाटा १.६ प्रतिशतले बढेको थियो । समीक्षा अवधिमा निर्यात/आयात अनुपात ११.३ प्रतिशत पुगेको छ । अघिल्लो वर्षको सोही अवधिमा यस्तो अनुपात ८.६ प्रतिशत रहेको थियो । समीक्षा अवधिमा भारतबाट परिवत्र्य विदेशी मुद्रा भुक्तानी गरी रु. १४७ अर्ब ३ करोड बराबरको वस्तु आयात भएको छ । अघिल्लो वर्षको सोही अवधिमा यस्तो आयात रु. १२१ अर्ब ३६ करोड बराबरको भएको थियो ।
राष्ट्र बैंकले यो वर्ष मूल्य वृद्धिलाई ६ प्रतिशतको सीमामा राख्ने लक्ष्य राखेको थियो । अरू प्रायः सबै सूचकहरू पनि नकारात्मक बनेका छन् ।
राष्ट्र बैंकले सार्वजनिक गरेको विवरणअनुसार गएको साउनदेखि फागुनसम्ममा वैदेशिक व्यापारमा ११ खर्ब ६१ अर्ब रुपैयाँ घाटा भएको छ । यो गएकाे वर्ष यही अवधिको तुलनामा ३४ दशमलव पाँच प्रतिशत धेरै हो ।