तनहुँ। जिल्ला प्रहरी कार्यालय तनहुँले युवकको हत्याको अभियोगमा तीन जनालाई पक्राउ गरेको छ।
शुक्लागण्डकी नगरपालिका वडा नं -५ गल्छिना निवासी २९ वर्षीय विशाल ढुंगानाको हत्यामा संग्लग्न रहेको अभियोगमा तीन जनालाई पक्राउ गरेको हो। पक्राउ पर्नेमा शुक्लागण्डकी नगरपालिका -१० निवासी ३८ वर्षीय बिमल सुनार, सोही नगरपालिका -८ निवासी २५ वर्षीय सुशिल बिक र वडा नं -३ निवासी ४७ वर्षीय होम बहादुर बिक रहेका छन् ।
प्रहरीका अनुसार मृतक ढुंगाना घर परिवारसँग सम्पर्कबिहिन रहेको भन्दै परिवारले खोजिका लागि ईलाका प्रहरी कार्यालय बेलचौतारामा निवेदन दिएका थिए। निवेदन पश्चात कार्यालयबाट खटिएको प्रहरीको टोलीले खोजीकार्यकै क्रममा सोही नगरपालिकाको वडा नं ४ र ५ को सिमाना कबरस्थानस्थित पानी जमेको खोल्सामा मृत अवस्थामा ढुंगानालाई फेला पारेको थियो।
मृतक फेला परेको स्थान र शवको प्रकृति हेर्दा हत्याको आशंका लागेपछि प्रहरीले विशेष प्रहरीको टोली बनाई अनुसन्धान शुरु गरेको थियो। अनुसन्धानका क्रममा उल्लेखित व्यक्तिहरुको संग्लग्नता रहेको देखिएपछि टोलीले आइतबार बिहान शुक्लागण्डकी- १० ढोरफिर्दीबाट उनीहरुलाई पक्राउ गरेको हो ।
पक्राउ परेका उनीहरुमाथि कर्तव्य ज्यान मुद्दामा जिल्ला अदालत तनहुँबाट १२ दिन म्याद थपको अनुमति लिएर अनुसन्धान कार्य अगाडि बढाइएको जिल्ला प्रहरी कार्यालय तनहुँले जनाएको छ।
सम्बन्धित खबर
एमाले नेता रायमाझीसहित ७ जनालाई थुनामै राख्न सर्वोच्चको आदेश
कांग्रेस नेता आलमसहित चार जनालाई जन्मकैद
पोखरामा पेस्तोल सहित एक व्यक्ति पक्राउ
विदेश पठाउने भन्दै ४० लाख बढी ठगी, २ पक्राउ
पोखरामा १० केजी दुर्लभ वन्यजन्तुको मासुसहित एक पुरूष पक्राउ
पोखरास्थित दराज अनलाइनको कार्यालयबाट नगद तथा सामान चोरी गर्ने ३ जना पक्राउ
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग