पोखरा । पोखरा महानगरपालिकाले बजार अनुगमनलाई तिव्रता दिएको छ।

नेपालीहरु ठुला चाडपर्व नजिकिँदै जादा बजार अनुगमन तिव्र पारेको हो। पोखरा महानगरपालिकाको उपभोक्ता हित संरक्षण समितिले एक सातादेखि बजार अनुगमन गरिरहेको छ।

पोखराका मुख्बजारका पसलहरुमा अनुगमन गरिएको महानगरका उपप्रमुख एंव उपभोक्ता हित संरक्षणमा संयोजक मञ्जुदेवी गुरुङले जानकारी दिइन्। अनुगमन अन्तर्गत आज मंगलबार पोखरा २५ हेमजाको मिलनचोकका ६ वटा खाद्य पसलमा अनुगमन गरेको छ।

अनुगमनमा मुल्यसुचि नभएको, पसल दर्ता र दर्ता भएका पसल नवीकरण नभएका तथा म्याद नाघेका खाद्य सामग्री फेला परेको अनुगमनमा सहभागी महानगरका सहायक पाँचौ ऋषिराम सापकोटाले जानकारी दिए। अनुगमनमा छ सपसलका सञ्चालनलाई सम्पूर्ण कागजपत्र सहित बुधबार जिल्ला प्रशासन कार्यालयमा उपस्थित हुन तारिख दिइएको सापकोटाले जानकारी दिए। अनुगमनमा एकराज किराना पसलबाट म्याद नाघेका ३२४०, बैजनि किराना पसलबाट ५०० को म्याद नाघेका खाद्य सामग्री नष्ट गरिएको छ।

त्यस्तै शुभकार्य मसला तथा झिलिङगा उद्योग, सन्देश किराना पसल, घामपानि सुपर मार्केटमा जोख्ने सामग्रीको दर्ता नगरेको, पसल नविकरण नगरेको पाएकाले नविकरण गर्न र जिल्ला प्रशासन कार्यालयमा उपस्थित हुन निर्देशन दिइएको पोखरा २५ का वडा अध्यक्ष मोतिलाल तिम्सेनाले जानकारी दिए। उनले पसल सञ्चालन गर्दा दर्ता गरेर बैधानिक रुपमा सञ्चालन गर्न सबै वडा बासिलाई अनुरोध गरेका छ। उनी जनस्वास्थ्यलाई ख्याल गरेर ब्यवसाय सञ्चालन गर्न समेत आग्रह गरेका छन्।