पोखरा । नवौं राष्ट्रिय खेलकुद प्रतियोगिता अन्तर्गत मंगलबार वालिङमा भएको महिला फुटबल प्रतियोगितामा दुई खेल सम्पन्न भएको छ।

मंगलबार भएको पहिलो सेमीफाईनलको खेलमा नेपाल पुलिस क्लब विजयी भएको छ । नेपाल पुलिस क्लबले प्रदेश नम्बर १ लाई ३–० को गोल अन्तरले पराजित गर्र्दै जित निकालेकोे हो ।

खेलको १३ आँै मिनेटमा पुलिस क्लबकी रेखा पौडेलले पहिलो गोल गर्दै आफ्नो टिमलाई अग्रता दिलाएकी थिईन् ।

लगत्तै खेलको १९ औँ मिनेटमा निर्मला वि.क ले दोस्रो गोल गरिन् भने ८० औँ मिनेटमा निर्मला उपाध्यले तेस्रोे गोल गर्दै पुलिसको जित सुनिश्चित गरिन् ।

यस्तै मंगलबार भएको दोस्रो खेलमा एपीएफ क्लबले त्रिभुवन आर्मी क्लबलाई १–० गोल अन्तरले पराजित गरेको छ । दोस्रो हाफको ५६ औँ मिनेटमा एपीएफकी खेलाडी सावित्रा भण्डारीले गरेको गोल नै निर्णायक गोल बन्न पुग्यो ।

फाईनल खेल विहिबार विहान नौ बजेदेखि हुने आयोजकले जानकारी गराएको छ ।