पोखरा । आफ्नै पार्टीका उम्मेदवार हराउन अन्तर्घात गरेको भन्दै कास्कीमा कांग्रेस कार्यकर्ता प्रदर्शनमा उत्रिएका छन् । नेपाली कांग्रेस कास्कीका निवर्तमान सभापति कृष्ण केसीविरुद्ध पार्टी कार्यकर्ताले अन्तर्घात गरेको आरोप लगाउँदै नाराबाजी गरेका हुन् ।
कांग्रेस कार्यकर्ताले बिहीबार साँझ केसी निवासअघि र बाँझापाटन क्षेत्रमा नाराबाजी गरेका हुन् । उनीहरुले ‘अन्तर्घाती मुर्दावाद, कृष्ण केसी मुर्दावाद, नेपाली कांग्रेस जिन्दावाद, पार्टी शुद्धीकरण गर’ लगायत नारा लगाएका थिए ।
नेपाली कांग्रेसको झन्डा बोकेका कार्यकर्ताले बाँझपाटन सडकमा निकै बेर नाराबाजी गरेका थिए । कास्की क्षेत्र नम्बर १ प्रतिनिधि सभा तथा प्रदेश सभा निर्वाचनमा कांग्रेसका उम्मेदवारलाई हराउन लागेको भन्दै कांग्रेस कार्यकर्ताले आक्रोश पोखेका हुन् ।
नेता केसीको घर अघि कार्यकर्ताले तीब्र आक्रोशपूर्ण नाराबाजी चर्काएपछि सुरक्षाका लागि केसी निवासमा प्रहरी पुगेका छन् । कार्यकर्ताहरुले नाराबाजी गरिरहँदा घरमा नेता केसी र उनको परिवारका कुनै पनि सदस्य भने थिएनन् ।
कांग्रेस मादी गाउँपालिकाका सभापति यम गुरुङले आज दिउँसो फेसबुकमा स्टाटस लेख्दै नेता केसीले कांग्रेस उम्मेदवार हराउन आफूलाईसमेत भनेको दाबी गरेका छन् । उनले लेखेका छन्, ‘मलाई घरमै बोलाएर १ घण्टासम्म किशोरलाई हराउनुपर्छ, जित्न दिनुहुँदैन भनेर पढाए । यसको तात्पर्य दुवै उम्मेदवार हराउनुपर्छ भन्ने हो ।’
एमालेसँग मिलेर पार्टीका प्रतिनिधि सभा उम्मेदवार तथा जिल्ला पार्टी सभापति किशोरदत्त बराल र प्रदेश सभा सदस्य उम्मेदवार दीपक गुरुङ ‘माइला’ लाई हराउन लागेको आरोप कार्यकर्ताले लगाएका छन् ।
कास्की १(२) मा एमालेका बेदबहादुर गुरुङ श्यामले कांग्रेसका माइलालाई साढे ८ सय मतान्तरले हराएका छन् । प्रतिनिधि सभातर्फको मतगणनामा कांग्रेसका किशोरदत्त बराल एमालेका मनबहादुर गुरुङभन्दा पछि छन् ।
कृष्ण केसी नेपाली कांग्रेसबाट कास्की १ को प्रतिनिधि सभा सदस्य उम्मेदवारको आकांक्षी थिए । पार्टीले बराललाई टिकट दिएको थियो । प्रदेश सभामा दीपक गुरुङ माइलाले टिकट पाए ।
सम्बन्धित खबर
वर्षाले पोखरा-मुग्लिन सडक विस्तार कार्य प्रभावित
पर्यटक भित्राउन चैत अन्तिम साता घान्द्रुकमा महोत्सव
पोखरा स्वास्थ्य केन्द्र भवनबाट सरकारी कागजात चोर्नेहरू पक्राउ
नेपाल पर्यटन बोर्ड पोखरा स्पोर्टस् अवार्डको प्रवर्द्धक
डाइनामिक युथ लिडर दर्शन लोकप्रिय मतका साथ सचिवमा निर्वाचित
एमाले कास्की अध्यक्षमा बैनबहादुर अधिकारी क्षत्री निर्वाचित, अधिकारीको प्यानल नै विजयी
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग