गण्डकी प्रदेश सरकारले मन्त्रालयकाे संख्या घटाएकाे छ । प्रदेश सरकाले ६ मन्त्रालय घटाएर १२ बाट ७ वटा कायम गरेकाे हाे । मुख्यमन्त्री खगराज अधिकारीले आइतबार सत्तारुढ दलका शीर्ष नेताहरूसँगको छलफलपछि १२ बाट घटाएर ७ वटा मन्त्रालयको टुंगो लगाएको हो ।
नेकपा एमाले नेतृत्वकाे गण्डकी प्रदेश सरकारमा नेकपा माओवादी केन्द्र र राप्रपा सहभागी छ । सोमबार बिहान बसेको मन्त्रिपरिषद् बैठकले प्रदेश सरकार कार्यविभाजन नियमावली, २०७४ संशोधन गरेर मन्त्रालय संख्या १२ बाट पुनः झारेर सात वटा बनाउने निर्णय गरेको हो ।
एमालेकै नेता पृथ्वीसुब्बा गुरुङ नेतृत्वको सरकारमा सुरूमा सात मन्त्रालय थिए । नेकपा फुटले सरकार संकटमा परेपछि नियमावली संशाेधन गरी ११ मन्त्रालय बनाएका थिए । तर, ८ जना मात्र मन्त्री नियुक्त थिए । गुरुङ नेतृत्वको सरकार ढलेपछि कांग्रेसका कृष्णचन्द्र नेपाली पाेखरेल नेतृत्वमा गठबन्धन सरकार बन्यो । मुख्यमन्त्री पोखरेलकाे क्याबिनेटमा १० मन्त्री थिए । डाेबाटे विश्वकर्मकाे स्थानमा बिन्दुकुमार थापा मन्त्री बनेपछि व्यापक विराेध भयाे । र, पछि एक मन्त्रालय थपेर १२ बनेकाे थियाे ।
मन्त्रालय र कार्यक्षेत्रः
१. मुख्यमन्त्री तथा मन्त्रिपरिषद् – बैठक, प्रशासन र शासकीय सुधार
२. आर्थिक मन्त्रालय मन्त्रालय – अर्थ, सहकारी, गरिबी निवारण, भूमि व्यवस्था
३. आन्तरिक मामिला तथा कानुन मन्त्रालय – शान्ति सुरक्षा, विपद् व्यवस्थापन, समारोह व्यवस्थापन, सञ्चार, प्रदेश सभा मामिला तथा कानुन ।
४. भौतिक पूर्वाधार विकास मन्त्रालय – भौतिक पूर्वाधार, सहरी विकास तथा यातायात
५. सामाजिक विकास तथा स्वास्थ्य मन्त्रालय – शिक्षा, संस्कृति, विज्ञान प्रविधि, श्रम, रोजगार, महिला बालबालिका तथा ज्येष्ठ नागरिक, युवा तथा खेलकुद, स्वास्थ्य तथा जनसंख्या
६. उद्योग, पर्यटन, वन तथा वातावरण मन्त्रालय – पर्यटन, उद्योग, वाणिज्य तथा आपूर्ति, वन, वातावरण, भू–संरक्षण
७. कृषि तथा जलस्रोत मन्त्रालय -कृषि तथा पशुपंक्षी, ऊर्जा, सिँचाइ र खानेपानी ।
सम्बन्धित खबर
लेकसाइडमा स्कुटरलाई ठक्कर दिएर भागेका कुशल पक्राउ
गण्डकी प्रहरी प्रमुख बनिन् डीआईजी दुर्गा
पोखरामा पेस्तोल सहित एक व्यक्ति पक्राउ
गण्डकीमा डायलासिस सेवाको प्रतिक्षामा रहेकाको संख्या शून्यमा झार्ने लक्ष्य पूरा
मगर विद्यार्थी संघ पिएन क्याम्पसको अध्यक्षमा अनोक पुलामी
पर्यटकीय राजधानीलाई सफल बनाउन तीन तहकै सरकारको भूमिका महत्वपूर्ण : मुख्यमन्त्री अधिकारी
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग