गण्डकी प्रदेशका मुख्यमन्त्री खगराज अधिकारीले मन्त्रिपरिषदलाई पूर्णता दिएका छन्। मुख्यमन्त्री नियुक्त भएको १५ दिनपछि अधिकारीले जिम्मेवारी बाँडफाँटसहित मन्त्रिपरिषदलाई पूर्णता दिएका हुन्।
प्रदेश प्रमुख पृथ्वीमान गुरूङले पुस २५ गते अधिकारीलाई मुख्यमन्त्री नियुक्त गरेका थिए। सोही दिन एमालेकी सीता सुन्दास, माओवादी केन्द्रका हरिबहादुर चुमान र राप्रपाका पञ्चराम गुरूङलाई मन्त्री नियुक्त गरेका अधिकारीले जिम्मेवारी भने दिएका थिएनन्।
गण्डकीमा रहेका १२ वटा मन्त्रालयबाट ७ वटामा झारेका मुख्यमन्त्री अधिकारीले माओवादीलाई २ र एमालेलाई मुख्यमन्त्रीसहित ४ मन्त्रालय राखेका छन्। राप्रपालाई एउटा मन्त्रालय दिएका छन्।
सोही सहमति अनुसार माओवादीबाट रेशम जुग्जाली, एमालेबाट रोशन गाहा मगर र बेदबहादुुर गुरूङ ‘श्याम’ मन्त्री नियुक्त भएका छन्। उनीहरूलाई प्रदेश प्रमुख गुरूङले मंगलबार साँझ सपथ खुवाए ।
मन्त्रिपरिषदले पूर्णता पाएसँगै मन्त्रीलाई जिम्मेवारी बाँडफाँट पनि गरिएकाे छ । चुमानले भौतिक पूर्वाधार विकास मन्त्रालय, जुग्जालीले उद्योग, पर्यटन, वन तथा वातावरण, राप्रपाका गुरूङले सामाजिक विकास मन्त्रालय, एमालेका रोशन गाहा मगरले आन्तरिक मामिला, बेदबहादुर गुरूङले कृषि तथा ऊर्जा र सीता सुन्दासले आर्थिक मामिला मन्त्रालय पाएका छन्।
मुख्यमन्त्री अधिकारी प्रदेशमा मन्त्रालय घटाउने निर्णय गरेर सोमबार काठमाडौं गएका थिए। काठमाडौंमा सोमबार साँझ एमाले अध्यक्ष केपी ओली र मंगलबार बिहान प्रधानमन्त्री प्रचण्डलाई भेटेर पोखरा फर्किएका थिए। पोखरा फर्किएलगत्तै मुख्यमन्त्री अधिकारीले मन्त्रिपरिषदलाई पूर्णता दिनुका साथै मन्त्रालय बाँडफाँट गरेका हुन्।
सम्बन्धित खबर
पोखरा १३ : सामाजिक सुरक्षा भत्ता लिन आउनेलाई निःशुल्क स्वास्थ्य परीक्षण
समावेशी शिक्षा मापदण्डको प्रारम्भिक मस्यौदा माथि छलफल
अन्नपूर्णमा सार्वजनिक सुनुवाइ, ३१ कार्यालयका प्रमुखको उपस्थिति
पत्रकार सन्तोष पोखरेल सम्मानित
रोटरी क्लब अफ पोखरा क्यापिटलको चार्टर प्रेजेन्टेसन तथा पहिलो पदस्थापन
पोखरा वडा नं. १३ मा सामाजिक सुरक्षा भत्ता लिन आउनेलाई निःशुल्क स्वास्थ्य परीक्षण
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग