पोखरा। सेती खोँच नजिकै भ्वाङमा खसेकी बालिकाको मृत्यु भएको छ। पोखरा महानगरपालिका वडा नं. ८ नागढुंगा घर भएकी १२ वर्षकी स्मृति पराजुलीको मृत्यु भएको वडा प्रहरी कार्यालय रामबजारले पुष्टि गरेको छ।
बालिका पोखरा -१५ सीताराम हाउजिङ नजिकैको चौरमा खेल्ने क्रममा झन्डै १२० मिटर तल खसेकी थिइन्। उनलाई उद्धार पश्चात उपचारका लागि साँझ अन्दाजी ५ बजेको समयमा पश्चिमाञ्चल क्षेत्रिय अस्पताल लगिएकोमा ५:५५ बजे अस्पतालले मृत घोषणा गरेको हो।
तीन जना साथीहरु सहित चौरमा खेल्न पुगेकी स्मृति काठमाण्डौमा पढ्दै आएको बुझिएको छ। स्थानीयका अनुसार खाजा लिएर चौरमा खेल्दै गर्ने क्रममा स्मृति भ्वाङबाट खस्न पुगेकी थिइन् । त्यसपछि साथीहरुले स्थानीयलाई गुहारेपछि घटनाबारे प्रहरीलाई खबर गरिएकाे थियाे ।
झन्डै १२० मिटर तल बालिकाको शरिरको तलको भाग पानीमा डुबेको र माथिको भाग जमिनमा बजारिएको अवस्थामा फेला पारिएको उद्धारमा खटिएका एक सुरक्षाकर्मीले गण्डकन्यूजलाई बताए।
स्मृतिको उद्धारका लागि नेपाल प्रहरी, सशस्त्र प्रहरी र नेपाली सेनाको टोली खटिएको थियो। भासिएको स्थान निकै नै गहिरो र साँघुरो खोंच भएकाले उद्धारमा कठिनाई भएको थियो।
घटनालगत्तै वडा प्रहरी कार्यालय बैदामबाट प्रहरी निरीक्षक नेत्रबहादुर कुँवरको कमान्डमा रेस्क्यु टोलीसहित १७ जना खोजीमा खटिएका थिए । वडा प्रहरी कार्यालय रामबजारबाबाट प्रहरी निरीक्षक माधव केसीको कमाण्डमा ७ जना र सशस्त्र प्रहरी कालिका गणबाट सप्र।नि उमेश ढकालको कमाण्डमा ७ जनाको टोलीले खोजतलास गरेको थियो ।
सम्बन्धित समाचारः
सेती खोँचमा बच्चा खसेको आशंका, प्रहरीद्वारा खोजी सुरु
सेती खोँच नजिकको भ्वाङमा खसेकी स्मृतिको अचेत अवस्थामा उद्धार
सम्बन्धित खबर
एमालेलाई एकल बहुमत सहितको राष्ट्रिय पार्टी बन्न कसैले रोक्न सक्दैन : अधिकारी
प्रतिभामा लोकतान्त्रिक निर्वाचन प्रक्रियाको अभ्यासः सदनको कप्तान, उपकप्तान चुनावबाटै चयन
लेकसाइडको स्पा (मसाज) सेन्टरबाट ६ जना बालिकाको उद्धार
‘सबै जलविद्युत आयोजनाले खोलामा कम्तिमा १० प्रतिशत पानी अनिवार्य छाड्नुपर्छ’
मदन–आश्रितको सम्झनाः पोखराको स्मृति पार्कमा माल्यार्पणसँगै सरसफाई, जबजको विशेषताबारे विवेचना
पोखरा अन्तर्राष्ट्रिय विमानस्थलबाट अन्तरदेशीय उडान गर्न प्रोत्साहन प्याकेज
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग