पोखरामा २ महिनाअघि एक महिलालाई कुटपिट गरी नगदसहित मोबाइल लुटेर फरार भएका एक युवकलाई कास्की प्रहरीले पक्राउ गरेको छ ।
पोखरा १८, गुफाडाँडामा एक महिलालाई कुटपिट गरी लुटपाट गरेर फरार भएका उनलाई घटनाको २ महिनापछि मात्र प्रहरीले पक्राउ गर्न सकेको हो । पक्राउ पर्नेमा धादिङको बेनीघाट रोराङ गाउँपालिका वडा १० डुंगे घर भएका २५ वर्षीय दीपेश गुरुङ भन्ने सन्तबहादुर मगर हुन्।
उनले गत जेठ ५ गते राति १० बजेको समयमा ती महिलालाई फलामको हथौडा र चक्कू समेत प्रयोग गरी टाउकाको विभिन्न भाग, दायाँ आँखामा प्रहार गरी मरणासन्न अवस्थामा पु-याएर झाँडीमा फालेको प्रहरीसँग प्रारम्भिक अनुसन्धानमा स्वीकारेका छन ।
साथै उनले महिलाको साथमा रहेको ४ हजार नगद र मोबाइल समेत लुटेर भागेकोमा प्रदेश प्रहरी कार्यालय पोखरा, जिल्ला प्रहरी कार्यालय कास्कीको सहकार्यमा वडा प्रहरी कार्यालय बैदामबाट खटिएको प्रहरी टोलीले साउन ७ गते उनको घर बेनीघाटबाट पक्राउ गर्न सफल भएको हो ।
पक्राउ परेका उनलाई जिल्ला अदालत कास्कीबाट कुटपिट तथा अंगभंग सम्बन्धी कसूर मुद्दामा ७ दिनको म्याद थपगरी अनुसन्धान कार्य अघि बढाइएको जिल्ला प्रहरी कार्यालयका प्रवक्ता प्रहरी नायव उपरीक्षक श्रवणकुमार बिकले जानकारी दिए ।
सम्बन्धित खबर
दाङमा बञ्चरो प्रहारबाट २ जनाको हत्या
पोखराको विद्यालय तोडफोड गरी ल्याप्टप चोरी गरेको आरोपमा ४ बालक प्रकाउ
श्रीमतीको उजुरीपछि रवि ओडले गरे आत्मसमर्पण
बत्तीसपुतलीस्थित बीच सडकमै युवकको हत्या
पोखरामा बियर खुवाएर महिलामाथि सामूहिक बलात्कार, तीन पक्राउ
पोखरामा लागु औषधसहित एक महिला पक्राउ
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग