शनिबार रातिको अबिरल वर्षाले यस वर्ष पनि पोखराका सडकमा भ्वाङहरु परेको छ । पोखरामा वर्षा हुनेबित्तिकै जमिन भासिने चिन्ता हुन्छ । अविरल वर्षाका कारण पोखरा महानगरपालिका १६ स्थित डाँडाथोक मार्गमा सडकमै ठूला ठूला भ्वाङ परेको छ ।

शनिबार दिउँसैदेखि परेको वर्षाले सडक भासिन पुगेको हो । सडक भासिदा ग १ ख ५५०१ नम्बरको टिप्परसमेत खाल्डोमा परेको छ । भ्वाङ पुर्न पुगेको टिप्परको पाङ्ग्रा नै भ्वाङमा फस्न पुगेको हो ।

सडकमै भ्वाङ परेपछि बस्ती नै जोखिममा परेको भन्दै स्थानीय त्रसित छन् । राति ११ बजेसम्मै स्थानीय मिलेर पानी तर्काएपनि पछि भासिएकाे हाे । भ्वाङ परेको स्थान नजिकै ठूला घरहरु छन् ।

पछि डाेजर लगेर भ्वाङ खाेतल्दा घरकाे जगसम्मै खाडल परेकाे भेटियाे । अहिलेसम्म यस्ताे घटना नभएकाे स्थानीय बताउँछन् ।

२०७० सालमा पोखराको अर्मलास्थित ठुलीबेसीफाँटमा एकाएक जमिन भासियो । त्यसअघि पनि पोखरामा बर्सेनि जमिन भासिन्थ्यो । पोखरा शहरको मध्यभागमै जमिन भासिन्थे । तर, साना भ्वाङ पर्ने हुनाले खास चर्चाको विषय हुँदैनथ्यो । अर्मलामा भने निकै ठूला भ्वाङ परेको थियो ।

पोखरा नगर क्षेत्र र आसपासका अधिकांश स्थानका जमिन कमजोर रहेको विभिन्न अध्ययनले देखाएका छन् पोखराको जमिनमुनि कमेरो माटो छ । बर्षामा कमेरो माटो बगेर जाने गर्छ । आकाशको पानीले निकास नपाउनु तथा घरको छतको पानीको उचित व्यवस्थापन नहुनु पनि जमिन भासिनुको कारण भएको विज्ञ बताउँछन् । भू–बनावटको ख्यालै नगरी निर्माण गरिएका भौतिक संरचनाका कारण जमिन भासिएको उनीहरुको भनाइ छ ।

दुई वर्षअघि धेरै ठाउँमा जमिन भासिए । पोखराको खानेपानी विस्तारका क्रममा सडक नाला खन्नु प्रमुख कारण रह्यो । पोखरा छोरेपाटन स्थित गुप्तेश्वर महादेव गुफा माथिका बस्ती झनै खतरनाक रहेको विज्ञहरुको भनाई छ । डेभिडफल्स नजिकै बाटोमा गाडी गुड्दा समेत जमिन थर्किन्छ ।

सम्बन्धित समाचारः

पोखरा महेन्द्रपुलको मूख्य सडक भलपानीले भासियो, घरहरु जोखिममा (फोटो/भिडियो)

पोखरा नदिपुरमा जमिन भासियो, तीन घरमा क्षति

निरन्तर वर्षाले पोखरा वडा नं. ५ र १६ का विभिन्न क्षेत्रका जमिन भासियो [तस्वीरहरु]

पोखराको छोरेपाटनमा जमिन भासिदा दुई घर जोखिममा

पोखरामा नगर बस गुड्दा गुड्दै भासिएपछि…

पोखरा चिप्लेढुंगा चोकमै सडक भासियो

पोखराको २ ठाउँमा सडक भासियो, मोहोरियाटोल र फलेपाटन जाने सडकमा भ्वाङ [भिडियो सहित]

पोखरा जिरो किमिमा पानी नपर्दा पनि जमिन भासियो

पोखराको नदीपुरमा मालवाहक ट्रक सडकमा भासियो

पोखरेली भ्वाङका रहस्य