पोखरा । कास्की प्रहरीले ठगी अभियोगमा वडा सदस्य सहित ४ जनालाई पक्राउ गरेको छ।
फोटोग्राफी व्यवसाय सञ्चालन विषयमा ठगी गरेको भनी १५ जनाको जाहेरी आधारमा प्रहरीले पोखरा ६ का वडा सदस्य दीपेन्द्र पहारीसहित ४ जनालाई पक्राउ गरेको हो । यस्तै, पक्राउ पर्ने अन्यमा लेकसाइडकै ४१ वर्षीय विकास पहारी, २२ वर्षीय प्रवीन विश्वकर्मा र २४ वर्षीय अभिषेक परियार एवं अप्पे भनिने अभिषेक बराल हुन् ।
उनीहरुलाई जिल्ला अदालतबाट ठगी, आपराधिक विश्वासघात तथा आपराधिक लाभ (एक्सर्टन) सम्बन्धी मुद्दामा १० दिनको म्याद थप गरी अनुसन्धान प्रक्रिया जारी रहेको कास्की प्रहरीले जनायो।
फेवा किनारका फोटोग्राफरसँग मासिक प्रतिव्यक्ति साढे १३ हजार उठाएर आफ्नो नाममा फोटोग्राफी व्यवसाय दर्ता नगरी ठगी गरेको भन्ने पीडितको जाहेरी आधारमा पक्राउ गरी मुद्दा चलाइएको जिल्ला प्रहरी कार्यालय कास्कीका प्रवक्ता डिएसपी श्रवणकुमार विकले बताए ।
दीपेन्द्र पहारी गत वर्षको स्थानीय तह निर्वाचनमा नेकपा (एमाले) बाट जनप्रतिनिधि निर्वाचित भएका हुन् भने विकास गठबन्धनको साझा उम्मेदवार थिए।
सम्बन्धित खबर
तनहुँमा स्रोत नखुलेको १२ लाखसहित २ जना पक्राउ
पूर्व राज्यमन्त्री रायको हत्या उनकै घरमा काम गर्ने युवकले गरेको पुष्टि
सर्लाहीमा पूर्वराज्यमन्त्री रायको हत्या
त्रिभुवन विमानस्थलबाट सुनसहित ३ जना पक्राउ
पोखरा नागढुङ्गा सुकु हत्याकाण्डका आरोपी ८ महिनापछि पक्राउ
पोखराकी रूपसरालाई जापान पठाइदिन्छु भनेर ८० लाख ठगी गर्ने तनहुँकी मनुमाया पक्राउ
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग