चितवनमा छोराले बाबुको हत्या गरेका छन् । चितवनको इच्छाकामना वडा नं. ३ चुम्लिङ्गटारमा रक्सीको नसामा रहेका १९ बर्षिय सुनिल चेपाङले मंगलबार दिउँसो बाबु ३८ बर्षिय रामशरण चेपाङलाई ढुंगा प्रहार गरी हत्या गरेका हुन् ।

ढुंगा प्रहारबाट घाइते भएका रामशरण चेपाङको इच्छाकामना आधाभुत अस्पताल कुरिनटारमा प्राथमिक उपचार गरी थप उपचारका लागि भरतपुर लैजादैँ गर्दा बाटो मै मृत्यु भएको हो ।

रक्सीको नसामा रहेका सुनिललाई घरमा जाउँ भनी बाबुले कर गरेपछि ढुंगाले प्रहार गरेको प्रत्यक्षदर्शीले बताएका छन् । शवलाई पोष्टपार्टमका लागि भरतपुर अस्पतालमा लगिएको प्रहरीले जनाएको छ । सुनिललाई प्रहरीले नियन्त्रणमा लिएको छ । घटनाबारे थप अनुसन्धान भइरहेको प्रहरीले जनाएको छ ।

इच्छाकामना वडा नम्बर २, काउले घर भएका चेपाङ परिवार चुम्लिङ्गटारमा डेरा गरी बस्दै आएका थिए । उनीहरु चुम्लिङ्गटारमै मजदुरी गर्दै आएका थिए ।