पोखरा लेकसाइडमा सम्पन्न ओपन वाल बोल्डरिङ प्रतियोगिताको उपाधि पुरुषतर्फ रोनक उप्रेती र महिलातर्फ स्वस्तिका चौधरीले जितेका छन् ।
गण्डकी प्रदेश क्लाइम्विङ स्पोर्टस एसोसियसनको समन्वयमा वेष्ट स्पोर्टस् इन्डोर हबले पहिलो पटक आयोजना गरेको उक्त प्रतियोगितामा रोनक र स्वस्तिका विजेता बनेका हुन् । पुरुषतर्फ सुलभ राई दोश्रो र साजन लामा तेश्रो भए ।
प्रतियोगितामा महिलातर्फ मारिका पोलाक दोश्रो हुँदा छोले रोग्स्वी तेश्रो स्थान प्राप्त गर्न सफल भइन् । विजेता खेलाडीहरुलाई आकर्षक खेल सामाग्री सहितको पुरस्कार एवं प्रमाणपत्र वितरण गरिएको थियो ।
प्रतियोगिता संयोजक एसोसियसनका सहसचिव एवं वेष्ट स्पोर्टस् इन्डोर हबका सञ्चालक सिद्धार्थ केसीले पोखरामा यस प्रतियोगिता पहिलोपटक गरिएको जनाए ।
उक्त प्रतियोगितालाई निरन्तरमा दिने तयारीसंगै खेलाडी उत्पादनमा समेत अघि बढ्ने योजना रहेको गण्डकी प्रदेश क्लाइम्विङ स्पोर्टस एसोसियसनका सचिव मनशान्त घिमिरेले जनाएका छन् । उनले भने–“सिरिजमा पहिलो पटक यो प्रतियोगिता आयोजना गरेका हौं । त्यसैले पनि यसको महत्व छुट्टै छ । हामी अव ६ महिना पछि यसको दोश्रो सिरिजको तयारी गर्ने छौं ।”
प्रतियोगितामा महिला र पुरुष खेलाडीहरु गरी १७ जनाको सहभागिता रहेको गण्डकी प्रदेश क्लाइम्विङ स्पोर्टस एसोसियसनका अध्यक्ष शेषकान्त शर्माले बताए । उनले भने–“पोखरालाई सहाशिक खेलकुदको गन्तव्य बनाउन यो खेल महत्वपूर्ण छ । धेरै यूवाहरुको आकर्षणको खेल भएकोले पनि यो खेलले पोखराको पहिचान बनाउन भूमिका खेल्नेछ ।”
यस खेलका विज्ञ सुनारा बहादुर गुरुङले यो खेलको विकास स्थानिय तहबाट गर्न सके खेलाडी उत्पादनमा सघाउ पुग्ने बताए ।
सम्बन्धित खबर
एलजी एशोसियसन कास्की लिग च्याम्पियन
निरमाया दोहोरी साँझले जित्यो प्रथम रुपाहिल कप फुटसलको उपाधि
पोखरामा सडक दौड: तेञ्जेन र कविता प्रथम
भिरकोटमा खुल्ला पुरुष भलिबल प्रतियोगिता हुने
महेन्द्रपुल यू-२३ बास्केटबल सुरु
शुक्रबार आठौँ पोखरा स्पोर्ट्स अवार्ड, सम्पूर्ण तयारी पुरा
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग