पोखरा। रातको समय यात्रुहरूलाई डर त्रास देखाई बाटो छेकी लुटपाट गर्ने एक जनालाई कास्की प्रहरीले पक्राउ गरेको छ।
रातको समयमा यात्रुहरूलाई बाटो छेकी डर त्रास देखाएर लुटपाट गरेको अभियोगमा स्याङ्गजा घर भइ हाल पोखरा महानगरपालिका -९ पृथ्वीचोक बस्दै आएका २४ वर्षीय आदर्श देवकोटालाई प्रहरीले पक्राउ गरेको हो।
वडा प्रहरी कार्यालय वैदामले दिएको जानकारी अनुसार गएको शनिबार राति अन्दाजी १० बजेको समयमा सभागृहचोक स्थित सडकमा हिंडिरहेका एक पैदलयात्रुलाई देवकोटासहित अन्य तीनजनाले बाटोमा रोकेर गाली गलौज र डर त्रास देखाई यात्रुको एक हजार ३ सय लुटेर भागेका थिए।
यात्रुले आफू लुटिएको भन्ने सूचना तत्काल प्रहरीलाई जानकारी गराएपश्चात वडा प्रहरी कार्यालय वैदामबाट खटिएको प्रहरीको टोलीले भाग्दै गरेको अवस्थामा देवकोटालाई पक्राउ गरेको हो।
घटनामा संग्लग्न अन्य दुई जना फरार छन्। फरार अन्यको खोजी भइरहेको र पक्राउ परेका देवकोटा विरुद्ध सार्वजनिक हित, स्वास्थ्य सुरक्षा सुविधा र नैतिकता विरुद्वको कसुरमा जिल्ला प्रशासन कार्यालयबाट म्याद थप गरी अनुसन्धान भइरहेको वडा प्रहरी वैदामले जनाएको छ ।
सम्बन्धित खबर
तनहुँमा स्रोत नखुलेको १२ लाखसहित २ जना पक्राउ
पूर्व राज्यमन्त्री रायको हत्या उनकै घरमा काम गर्ने युवकले गरेको पुष्टि
सर्लाहीमा पूर्वराज्यमन्त्री रायको हत्या
त्रिभुवन विमानस्थलबाट सुनसहित ३ जना पक्राउ
पोखरा नागढुङ्गा सुकु हत्याकाण्डका आरोपी ८ महिनापछि पक्राउ
पोखराकी रूपसरालाई जापान पठाइदिन्छु भनेर ८० लाख ठगी गर्ने तनहुँकी मनुमाया पक्राउ
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग