श्रीमान् परस्त्रीसँग लागेको भन्दै पाँच वर्षीया छोरी वर्षा विकलाई साथमा लिएर आत्मदाह प्रयास गर्ने महिलाको मृत्यु भएको छ ।
बुद्धशान्ति गाउँपालिका–२ गोपालडाँडा घलेगाउँ बस्ने घाइते २८ वर्षीया माया रम्तेलको मृत्यु भएको हो ।
छोरी वर्षाको फागुन ५ गते बिहान मृत्यु भएको थियो भने मायाको बुधबार बिहान ८ बजे प्रादेशिक अस्पताल भद्रपुरमा उपचारका क्रममा मृत्यु भएको हो ।
फागुन ४ गते राति ८ : ३० बजे मायाले घरायसी समस्याका कारण छोरी वर्षालाई शरीरमा सलले बाँधी शरीरभरि पेट्रोल खन्याई आत्मदाहको प्रयास गरेकी थिइन् ।
आफ्नो शरीरमा आगो लगाएको स्थानीयले देखेर प्रहरीलाई खबर गरेका थिए । त्यसको भोलिपल्ट उपचारका क्रममा बीएण्डसी हस्पिटलमा वर्षाको मृत्यु भएको थियो । मायाको पनि बीएण्डसी हस्पिटलमा उपचार भइरहेकोमा त्यहाँबाट फागुन ६ गते थप उपचारका लागि लाई प्रादेशिक अस्पताल भद्रपुर रेफर गरिएको थियो ।
घटनास्थलनजिकै सुसाइड नोट फेला परेको र त्यस नोटमा श्रीमान् राजन विक अन्य महिलासँग सम्बन्धमा रहेका कारण बाध्य भई यस्तो निर्णय लिन पुगेको लेखिएको छ । राजनलाई घटना भएकै दिन नियन्त्रणमा लिई अनुसन्धान भइरहेको जिल्ला प्रहरी कार्यालयका निमित्त प्रवक्ता प्रहरी निरीक्षक ढुण्डीराज गिरीले बताए ।
सम्बन्धित खबर
सौर्य एयरलाइन्सले भन्यो– पीडित परिवारजनलाई कम्पनीको तर्फबाट सहयोग हुन्छ
सन्दीपविरुद्ध सर्वोच्चमा पुनरावेदन नगर्ने गौशाला २६ को निर्णय
नेपालकै पहिलो महिला मुख्यसचिव बनिन् लिलादेवी गड्तौला
मुलुकले गुमायो दर्जन बढी दक्ष प्राविधिक, इन्जिनियर, पाइलट
सौर्य एयरलाइन्स जहाज दुर्घटनामा परी एकै परिवारका ३ जनाको मृत्यु
त्रिभुवन अन्तर्राष्ट्रिय विमानस्थल सञ्चालन, पोखराबाट पनि काठमाण्डौका लागि उडान सुरु
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग