पोखरा । गत फागुन १८ गते विद्यालयबाट घर फर्किनेक्रममा सेतीमा हामफालेका सुगम बास्तोलाको हालसम्म अवस्था थाहा हुन सकेको छैन ।
पोखरा महानगरपालिका वडा नं. ११ का १६ वर्षका सुगम फागुन १८ गते साँझ ५ बजेतिर सेती नदीमा हामफालेकोमा हालसम्म नभेटिएको प्रहरीले जनाएको छ ।
नदीपुरस्थित सेती नदी माथिको पुरानो पुलबाट हामफालेर वेपत्ता सुगमको खोजीका लागि आफन्तको आग्रह बमोजिम सेती बाँध खोलेर खोजी गर्न लागिएको छ ।
सुगम पोखराको नदीपुरस्थित बाल मन्दिरमा कक्षा १० मा अध्ययनरत थिए । स्रोतका अनुसार उनकी आमाको २ वर्ष अघि नै क्यान्सरका कारण निधन भइसकेको छ । उनका बुबा र एक बहिनी छन् ।
एसईईका लागि तयारीमा रहेका सुगम सहितको साथीको सो दिन विद्यालयमा बिदाई कार्यक्रम थियो । उनले केटी साथीहरुसँग आज त म मर्ने दिन हो भनेर हिँडेका थिए । पर्स र मोबाइल झिकेर फाल्दै बाईबाई गरेर पुलतिर गएको साथीहरुले बताएका छन् ।
उनले पुल नजिकै पुगेर एक महिलासँग ‘यहाँबाट हाम्फाल्दा मरिन्छ कि मरिँदैन अण्टी ?’ भनेर सोधेछन् । ति महिलाले ‘यहाँबाट हाम्फालेको त कोहि बाँचेका छैनन्’ भनेपछि पुलमा गएर ढुंगा हानेर एकछिनपछि पुलबाट हाम्फालेको प्रत्यक्षदर्शीले बताएका छन् ।
सुगम हाम्फालेको सीसी टिभी फुटेजमा देखिएको छ । खोजी कार्यमा जुटेका प्रहरीका अनुसार भित्तामा रगत देखिएको छ ।
कास्की प्रहरीले भोलि मंगलबार सेती नदी बाँध खोल्ने भन्दै सूचित गरेको छ । नदीमा पानीका बहाव बढाएर वेपत्ताको खोजी गर्न लागिएको छ । मंगलबार बिहान १० देखि दिउँसाे २ बजेसम्म बाँध खोलिने हुँदा सेती नदी आसपास नजान र सतर्क रहन प्रहरीले आग्रह गरेको छ ।
सम्बन्धित खबर
अन्नपूर्णमा सार्वजनिक सुनुवाइ, ३१ कार्यालयका प्रमुखको उपस्थिति
पत्रकार सन्तोष पोखरेल सम्मानित
रोटरी क्लब अफ पोखरा क्यापिटलको चार्टर प्रेजेन्टेसन तथा पहिलो पदस्थापन
पोखरा वडा नं. १३ मा सामाजिक सुरक्षा भत्ता लिन आउनेलाई निःशुल्क स्वास्थ्य परीक्षण
एक महिने श्रीमदवीतक चर्चा एवं श्रीकृष्ण कथा प्रवचन सुरु
अपाङ्गमैत्री कानून निर्माणको मस्यौदा प्रदेश सरकारलाई हस्तान्तरण
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग