पोखरा । पोखराकी एक युवती जनकपुरको एक होटलमा बिहान बेहोस अवस्थामा फेला परिन् । आज बिहान साढे ८ बजेतिर होटल सिटी प्यालेस एण्ड गेष्ट हाउसमा बेहोस भेटिएका उनको उपचारका लागि अस्पताल लगिएकोमा मृत्यु भएको छ ।
जिल्ला प्रहरी कार्यालय धनुषाका निमित्त प्रवक्ता प्रहरी निरीक्षक उपेन्द्र खरेलले गण्डकन्यूजलाई दिएको जानकारी अनुसार ति महिला पोखरा वडा नं. १३ घर भएकी अन्दाजी २९ वर्षीया खुश्बु सुनार हुन् । उनी सँगै होटलमा बसेका भनिएका दुई युवक भने फरार छन् ।
उनी विगत २–३ महिनादेखि छोरासहित महेन्द्रनगरमा बस्दै आएको प्रारम्भिक अनुसन्धानमा खुलेको खरेलले बताए । खुश्बुका श्रीमान् पोखरामै बस्ने र जानकारी पश्चात् जनकपुर आउँदै गरेको पनि उनले बताए ।
जिल्ला प्रहरी कार्यालय कास्कीका प्रमुख एसपी मोहन थापाले यस विषयमा कास्कीमा जानकारी आइनसकेको बताए । धनुषा प्रहरीका अनुसार खुश्बुको प्रादेशिक अस्पताल जनकपुरमा लगिएकोमा मृत्यु भएको घोषणा गरिएको हो ।
युवतीको शव पोस्टमार्टमको लागि प्रादेशिक अस्पताल जनकपुरमा राखिएको छ । सँगै बसेको भनिएका दुई युवकको खोजी गरिरहेको र घटनाका विषयमा थप अनुसन्धान गरिरहेको इन्स्पेक्टर खरेलले बताए ।
सम्बन्धित खबर
तनहुँमा स्रोत नखुलेको १२ लाखसहित २ जना पक्राउ
पूर्व राज्यमन्त्री रायको हत्या उनकै घरमा काम गर्ने युवकले गरेको पुष्टि
सर्लाहीमा पूर्वराज्यमन्त्री रायको हत्या
त्रिभुवन विमानस्थलबाट सुनसहित ३ जना पक्राउ
पोखरा नागढुङ्गा सुकु हत्याकाण्डका आरोपी ८ महिनापछि पक्राउ
पोखराकी रूपसरालाई जापान पठाइदिन्छु भनेर ८० लाख ठगी गर्ने तनहुँकी मनुमाया पक्राउ
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग