लमजुङका कृष्णप्रसाद अधिकारी गण्डकी प्रदेशका मुख्यन्यायाधिवक्ता नियुक्त भएका छन्।
अधिकारीलाई प्रदेश प्रमुख डिल्लीराज भट्टले नेपालको संविधानको धारा १६० को उपधारा (२) बमोजिम बिहीबार मुख्य न्यायाधिवक्ता नियुक्त गरेका हुन् ।
गण्डकीका मुख्यमन्त्री खगराज अधिकारीले मंगलबार बसेको मन्त्रिपरिषद बैठकबाट अधिकारीलाई मुख्य न्यायाधिवक्ता बनाउने निर्णय गरेका थिए ।
नवनियुक्त मुख्य न्यायाधीवक्ता अधिकारीले बिहीबार पद तथा गोपनीयताको शपथ लिएका छन् । उच्च अदालत पोखराका कायममुकायम मुख्य न्यायाधीश राजनप्रसाद भट्टराईबाट उनले पद तथा गोपनीयताको शपथ लिएका हुन् ।
लमजुङमा एमालेको राजनीति सँगसँगै कानुन व्यवसाय गर्दै आएका अधिकारी लमजुङ बार इकाइमा तीन कार्यकाल अध्यक्ष भएका थिए।
कानुन विषयमा स्नातक गरेका उनले काठमाडौंमा २०५० देखि २०५४ सालसम्म अधिवक्ताका रूपमा काम गरेका थिए। त्यसपछि लमजुङ फर्केर कानुन व्यवसायसँगै एमालेको राजनीति गर्दै आएका थिए।
एमाले लमजुङका निवर्तमान अध्यक्ष रहेका अधिकारी चैत १६ मा भएको जिल्ला अधिवेसनमा फेरि अध्यक्षका उम्मेदवार बनेका थिए। गण्डकीको एमाले राजनीतिमा खगराज पक्षबाट अध्यक्ष उम्मेदवार बनेका अधिकारीलाई उपमहासचिव पृथ्वीसुब्बा गुरुङ पक्षका राजकुमार विष्टले पराजित गरेका थिए।
मंगलबार बसेको मन्त्रिपरिषद् बैठकमा अधिकारी वा श्रीकान्त बराललाई मुख्यन्यायाधिवक्ता बनाउनेबारे छलफल भएको बिनाविभागीय मन्त्री हरिबहादुर चुमानले बताए।
नेपाली कांग्रेसले खगराज सरकारको नियुक्ति प्रक्रिया असंवैधानिक भन्दै सर्वोच्च अदालतमा रिट दायर गरेपछि बराललाई मुद्दा लड्न काठमाडौं पठाइएको चुमानले बताए।
खगराज सरकार बनाउन सत्तारुढ एमाले, माओवादी र सांसद राजिव गुरुङ ‘दीपक मनाङे’ले सभामुख कृष्णप्रसाद धिताललाई समेत जोडेको भन्दै कांग्रेसले मंगलबार नै सर्वोच्च अदालतमा कांग्रेसले रिट दायर गरेको थियो।
रिटको प्रारम्भिक सुनुवाइ गर्दै सर्वोच्चले खगराज सरकारलाई दीर्घकालीन महत्वका कुनै पनि निर्णय नगर्न बुधबार अन्तरिम आदेश दिएको छ।
यसअघि खगराज १ सय ५ दिन मुख्यमन्त्री बन्दा पनि बराललाई मुख्य न्यायाधिवक्ता बनाएका थिए।
सम्बन्धित खबर
गण्डकीका मुख्यमन्त्री अधिकारीको २३ गते विश्वासको मत लिने तयारी
सूर्य दर्शन सहकारीका दुई जनालाई थुनामै राख्ने आदेश सदर
पोखराको बिजुली पसल गोदाममा आगलागी हुँदा ८० लाख बढीको क्षति
पोखरामा छोरीसँग झगडा गरेको भन्दै युवतीमाथि हतियार प्रहार गर्ने स्याङ्जाका सोम प्रकाउ
पोखरामा अवैध लागु औषधसहित २ जना पक्राउ
पोखरामा पैदल यात्रीलाई दु:ख दिने तथा प्रहरी विरुद्ध अभद्र व्यवहार गर्ने एकजना पक्राउ
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग