नेकपा (एमाले) बागलुङको अध्यक्षमा पुनः हिराबहादुर केसी सर्वसम्मत चयन भएका छन् । १० औं जिल्ला अधिवेशनबाट केसी दोस्रो कार्यकालका लागि सर्वसमत भएका हुन् । अध्यक्षसँगै सम्पूर्ण कमिटी सर्वसम्मत चुनिएको छ ।

एमाले अध्यक्ष पदमा केसीको एकल उम्मेदवारी कायम भएको  निर्वाचन संयोजक डा. डिल्लीराज गौतमले जानकारी दिए । अध्यक्षमा उमेद्वारी दर्ता गरेका हरिनारायण गौतमले उमेद्वारी फिर्ता लिएपछि केसी सर्वसम्मत चयन भएका हुन् । उमेद्वारी फिर्ता गरेका गौतम नेकपा एमाले गण्डकी प्रदेश कमिटिका पूर्व सदस्य हुन् ।

उपाध्यक्षमा पनि विष्णु भुषाल सर्वसम्मत भए। भुषालको एकल उम्मेदवारी परेको हो । यसअघि सचिव बन्दा पनि भुषाल सर्वसम्मत चुनिएका थिए ।

सचिवमा तीन जनाको उम्मेदवारी परेकोमा गणेश थापाका लागि कुमार खड्का र चन्द्र प्रकाश शर्माले छाडिदिए । उपसचिवमा पनि सर्वसम्मत रुपमा धन बहादुर परियार र करमती पुन चयन भएका छन् ।