बागलुङ कालिका दर्शन गरी तनहुँ फर्कँदै गर्दा पोखराको हेम्जामा बस दुर्घटना भएको छ । शनिबार बेलुकी ७ः३० बजेतिर भएको दुर्घटनामा परी डेढ दर्जन यात्रुहरु सामान्य घाइते भएका छन् ।

ग १ ख ९२९७ नम्बरको बस तनहुँ शुक्लागण्डकी-११ बाट चालक, सहचालक गरी ३६ जनाको टोली लिएर बागलुङ गएकोमा पञ्चकोट, कालिका मन्दिर दर्शन गरी फर्कँदै थियो । पोखरा २५ याम्दी क्षेत्रमा  तिब्बतीयन क्याम्प नजिक एक्कासी सडकमै पल्टेको स्थानीयले जनाएका छन् ।

दुर्घटनामा परी १९ जना घाइते भएकोमा १६ जना गण्डकी मेडिकल कलेजमा र ३ जना पश्चिमाञ्चल क्षेत्रीय अस्पतालमा उपचारका लागि पठाइएको कास्की प्रहरीले जानकारी दिएको छ ।

स्थानीयका अनुसार बस अत्यधिक गतिमा थिएन । टायर पञ्चर भएर दुर्घटना भएको आशंका गरिएको छ । क्रेनको सहायताले पल्टिएको बसलाई उठाएर ९ बजेतिर सुल्टो पारिएको छ ।

चालक गोरखा बारपाक सुलिकोट गापा वडा नं. ६ घर भएका बर्ष ४५ को चन्द्र बहादुर गुरुङलाई नियन्त्रणमा लिई थप अनुसन्धान भइरहेको डीएसपी बसन्त कुमार शर्माले जानकारी दिए ।

घाइते विवरणः

१.जिल्ला तनहुँ शुक्लागण्डकी न.पा. वडा नं. ११ अलैची बस्ने बर्ष ३९ की कमला सिग्देल दायाँ हातमा चोट रहेको उपचार भई रहेको ।
२.ऐ.ऐ.बस्ने बर्ष ५० कि.ईन्द्र कला भुजेल खुट्टामा चोट रहेको उपचार भई रहेको ।
३.ऐ.ऐ.बस्ने बर्ष ७७ कि.रुपा देबी सिग्देल छातीमा चोट रहेको उपचार भई रहेको ।
४.ऐ.ऐ.बस्ने बर्ष २५ कि.प्रमिला सिग्देल टाउकोमा चोट रहेको उपचार भई रहेको ।
५.ऐ.ऐ.बस्ने बर्ष ४७ कि.सिता सिग्देल टाउको र दायाँ कुममा चोट रहेको उपचार भई रहेको ।
६.ऐ.ऐ.बस्ने बर्ष ६३ को लोकनाथ सिग्देल दायाँ हात र खुट्टामा चोट रहेको उपचार भई रहेको ।
७.ऐ.ऐ.बस्ने बर्ष ५८ को सिता सिग्देल टाउको र ढाडमा चोट रहेको उपचार भई रहेको ।
८.ऐ.ऐ.बस्ने बर्ष ५८ को खेमनारायण सिग्देल बायाँ हातमा चोट रहेको उपचार भई रहेको ।
९.ऐ.ऐ.बस्ने बर्ष २२ की स्वस्तिका सिग्देल दायाँ हातमा चोट रहेको उपचार भई रहेको ।
१०.ऐ.ऐ.बस्ने बर्ष ४८ की शान्ति सिग्देल घाँटी र हाडमा चोट रहेको उपचार भई रहेको ।
११.ऐ.ऐ.बस्ने बर्ष ३० को सागर परियार घाँटी र ढाडमा चोट रहेको उपचार भई रहेको ।
१२.ऐ.ऐ.बस्ने बर्ष ६० को पुर्णचन्द्र सिग्देल पेट र दायाँ हातमा चोट रहेको उपचार भई रहेको ।
१३.ऐ.ऐ.बस्ने बर्ष ६१ को राम प्रसाद सिग्देल दायाँ हातमा चोट रहेको उपचार भई रहेको ।
१४.ऐ।ए.बस्ने बर्ष ५८ की शारदा सिग्देल दायाँ हातमा चोट रहेको उपचार भई रहेको ।
१५.ऐ.ऐ.बस्ने बर्ष ५७ को अग्नि प्रसाद सिग्देल दायाँ हातमा र कम्मरमा चोट रहेको उपचार भई रहेको ।
१६.ऐ.ऐ.बस्ने बर्ष ४७ की लक्ष्मी सिग्देल टाउको र ढाडमा चोट रहेको उपचार भई रहेको ।
१७.ऐ.ऐ.बस्ने बर्ष ५० की बिष्णु सिग्देल घाँटी र दायाँ खुट्टामा चोट रहेको उपचार भई रहेको ।
१८.ऐ.ऐ.बस्ने बर्ष १८ की अनिषा गौतम ढाडमा चोट रहेको उपचार भई रहेको ।
१९.ऐ.ऐ.बस्ने बर्ष ४३ की बिष्णु गौतम बायाँ हात, छाती र खुट्टामा चोट रहेको उपचार भई रहेको ।

अद्यावधिक गरिएको ।