पोखरा । नेपाल ज्योतिष परिषद् जिल्लाकार्य समिति कास्कीको ८ औं अधिवेशनबाट रामजीप्रसाद आचार्य अध्यक्षमा निर्वाचित भएको छन् ।

जसमा उपाध्यक्षमा रामेश्वर अधिकारी, धना शर्मा, कृष्ण प्रसाद दाहाल, सचिवमा गौरव ढुङ्गाना, कोषाध्यक्षमा रेशम ढकाल, सह-कोषअध्यक्षमा नारायण परियार, सह-सचिवमा सोमनाथ त्रिपाठी, हिरामणी पौडेल र सदस्यहरू रामप्रसाद नेपाल, शालिग्राम अधिकारी, हिमाल तिमिल्सिना, सूर्य गौतम निर्वाचित भएका छन् ।

कार्यक्रमको उद्घाटन गर्दै नेपाल ज्योतिष परिषद् केन्द्रीय उपाध्यक्ष प्रेम कुमारी गुरुङ्ले ज्योतिष विद्या मनुष्यको तेस्रो नेत्र भएको भन्दै यसलाई ज्योतिषीहरुले कमाइको रुपमा मात्र नलिईकन समाजमा भएका ज्योतिष सम्बन्धी सकारात्मक/नकारात्मक कुराहरुलाई प्रष्ट्याउदै अगाडी बढ्नुपर्नेमा जोड दिँदै यसरी धर्म र संस्कृतिको संरक्षण सँगै पञ्चाङ्ग सहितको भित्ते पात्रो प्रकाशित गरिनु निकै प्रशंसनीय काम रहेको बताए ।

नेपाल ज्योतिष परिषद केन्द्रीय उप महासचिव लिलाराज शर्माले ज्योतिष विज्ञानलाई आधुनिक विज्ञानसंग तुलना गरि समाजमा लैजानुपर्नेमा जोड दिएका थिए ।

शिवदत्त रेग्मीको सभापतित्वमा भएको कार्यक्रममा निर्वाचित अधिकृत लीलाराज शर्मा, निर्वाचन सचिव वासुदेव सुवेदी, निर्वाचन सदस्य मोहराज ढकाल रहेका थिए । नेपाल ज्योतिष परिषद् केन्द्रिय सदस्य वासुदेव सुवेदी, नेपाल ज्योतिष परिषद् गण्डकी प्रदेशका अध्यक्ष रामप्रसाद कोइरालालगायतका वक्ताले आ-आफ्नो धारणा राखेका थिए ।

ज्योतिष क्षेत्रमा महत्वपूर्ण योगदान गरेका हिरा कश्यप शास्त्री र भिम प्रसाद कुइकेललाई परिषद्ले सम्पन्न गरेको थियो ।

उक्त कार्यक्रममा स्वागत मन्तव्य परिषद्कीमा उपाध्यक्ष रामेश्वर अधिकारी र आर्थिक प्रतिवेदन कोषाध्यक्ष गौरव ढुङ्गानाले प्रस्तुत गरे भने कार्यक्रमको सञ्चालन रामजीप्रसाद आचार्यले गरेका थिए छ ।