बागलुङको दुई विद्यालयका विद्यार्थीलाई झोलासहितको शैक्षिक सामाग्री प्रदान गरिएको छ ।

बागलुङ नगरपालिका वडा नं. १२ अमलाचौर र वडा नं. १४ नारायणस्थानमा रहेका विद्यायलहरुमा विद्यालय झोला र शैक्षिक सामाग्री वितरण गरिएको हो ।

हेल्प नेपालले प्रदेशसभा सदस्य डिल्लीराम सुवेदीको अनुरोधमा नियमित प्रयोगमा आउने सरसफाइका सामाग्री साथै स्टेसनरी सामाग्री र झोला आधारभूत विद्यालययका ५९ र पृथ्वी हिरण्य माविका १४० जना विद्यार्थीलाई सौजन्य गरेको हो ।

प्रदेशसभा सदस्य सुवेदीले भौतिक विकाससँगै मानवीय विकास आवश्यक भएको र मानवीय विकासको जग विद्यार्थीहरु भएकाले उनीहरुको पढाइ, संस्कारमा मेहनत गर्नुपर्ने भएकाले यो कार्यक्रममा हातेमालो गरेको बताए । साथै, आगामी दिनमा आफ्नो क्षेत्रका अन्य विद्यालयमा यो कार्यक्रम जोड्दै जाने पनि सुवेदीले बताए ।

 हेल्प नेपालका निर्देशक जिम्मी लामाले विद्यार्थीहरुको सरसफाइ र शिक्षाको लागि सहयोग गर्ने उद्देश्यले यो कार्यक्रम गरेको बताए ।

आधारभूत विद्यालयका ओमबहादुर केसीको अध्यक्षता सम्पन्न भएको कार्यक्रममा शिक्षक अशोक सुवेदीले संचालन गरेका थिए । पृथ्वी हिरण्य माविमा मन बहादुर खत्रीको अध्यक्षता र शिक्षक सुनिल आचार्यको संचालनमा कार्यक्रम भएको थियो।

दुवै विद्यालयमा अभिभावक विद्यार्थी, शिक्षकहरुले यो कार्यक्रमले विद्यार्थीहरुलाई हौसला मिल्ने र अध्ययनमा सहयोग पुग्ने भन्दै खुशी व्यक्त गरेका थिए ।