एनसेलले लाइसेन्स नवीकरण गर्नुपर्ने भएपछि बल्ल बुझायो चार अर्ब, २० अर्बभन्दा बढी शुल्क बुझाउनु पर्ने

गण्डक न्यूज मङ्गलबार, १५ जेठ २०८१

१५ जेठ २०८१

२० अर्बभन्दा बढी शुल्क बुझाउन बाँकी रहेको एनसेलले बल्ल चार अर्ब बुझाएको छ।

नेपाल दूरसञ्चार प्राधिकरणमा लाइसेन्स नवीकरण गर्नुपर्ने भएपछि यति रकम बुझाएको हो। कम्पनीले सोमबार चार अर्ब रूपैयाँ बुझाएर लाइसेन्स नवीकरण गरिदिन पत्राचार गरेको प्राधिकारणले जनाएको छ।

कम्पनीले किस्ताबन्दीको सुविधा माग गरेको छ। कम्पनीले पाँच किस्तामा रकम बुझाउने माग गर्दै पत्र लेखेको बताइन्छ । ‘

प्राधिकरणले गत जेठ ४ गते एनसेललाई तेस्रो नवीकरण बापतको शुल्क बुझाउन पत्र पठाएको थियो। सोमबार पुनः एनसेललाई एकमुष्ठ रकम बुझाउनुपर्ने भन्दै प्राधिकरणले पत्र पठाएको छ।

आज गणतन्त्र दिवसको अवसरमा सार्वजनिक बिदा परेको हुँदा एनसेलले भोलि (बुधबार)सम्म सम्पूर्ण रकम भुक्तानी गरे नवीकरण हुन्छ। नभए कम्पनीलाई १५ प्रतिशतको दरले थप तीन अर्ब जरिवाना लाग्ने प्राधिकरणले जनाएको छ।

गण्डकी प्रदेशको अग्रणी अनलाइन गण्डक न्यूज विभिन्न प्लाटफर्ममा उपलब्ध छन्। सामाजिक सञ्जालहरूमा हाम्रो च्यानल सब्स्क्राइब गर्न यहाँ क्लिक गर्नुहोस्। जहाँ तपाईँ फेसबुक, ट्विटर, इन्स्टाग्राम, यूट्युब लगायतमा पनि हाम्रा सामाग्री हेर्न सक्नुहुन्छ। नयाँ खबर थाहा पाउनका लागि गण्डक न्यूज र हाम्रो अर्को आधिकारिक वेबसाइट गण्डकी न्यूज भिजिट गर्दै गर्नुहोला। साथै, माथि समाचार पढेपछि तपाईँको प्रतिक्रिया के छ? व्यक्त गर्नुहोला।