पोखराको रामघाट वर्षेनी ताल बन्छ । सेती नदिको निकास सानो भएकाले हरेक वर्ष वर्षाको बेला यहाँ ताल बन्छ ।

दाहसंस्कार गर्नका लागि निकै उचो ठाउँमा बनाइएको शवदाह गृह समेत प्रभावित हुने गरी पानीको सतह बढ्छ ।

नदि छेउछाउमा बसोबास गर्नेहरुलाई नै विस्थापित गर्ने गरी पानी थुनिने गरेको छ ।

निरन्तर वर्षा भइरहे जनजीवनलाई नै असर पर्ने गरी पानी थुनिने सुरक्षाका लागि पूर्व तयारी अपनाउनुपर्ने  हुन्छ ।

पोखरा-१४ स्थित गस्तीटोल खाली गराइयो

सेती नदीमा पानीको बाहव बढेर बस्ती नै जोखिममा परेपछि पोखरा महानगरपालिका वडा नं. १४ गोस्टीटोलका बासिन्दालाई सुरक्षित स्थानमा सारिएको छ ।

सेती नदी किनारमा बसोबास गर्दै आएका ५ घरधुरीका २३ जनालाई सुरक्षित स्थानमा सारिएको जिल्ला प्रहरी कार्यालय कास्कीले जनाएको छ ।

उनीहरु सबैलाई सम्पूर्ण सामाग्रीसहित गस्ती टोल विकास संस्थाको भवनमा राखिएको कास्की प्रहरीका सूचना अधिकारी डीएसपी बसन्तकुमार शर्माले जानकारी दिए ।

गस्ती टोलका बिष्णुमाया सुनुवारको ५ जना, डोल्मा शेर्पाको ७ जना, शुकदेव गुरुङको ४ जना, डावा शेर्पाको ४ जना र काजी शेर्पाको ३ जनाको परिवारलाई टोल विकास संस्थाको भवनमा स्थानान्तरण गरिएको डीएसपी शर्माले जानकारी दिए ।