पोखरामा आफ्नै श्रीमतीलाई खुकुरी प्रहार गरी हत्या गर्ने एक पुरुषलाई प्रहरीले पक्राउ गरेको छ ।

बुधबार मध्यान्ह सवा १२ बजेतिरको समयमा पोखरा ८ कुँवरटोल स्थित एक घरमा डेरामा बस्ने ४२ वर्षीय जहरसिंह कुँवरले ४० वर्षीया श्रीमती राधिका कुँवरलाई खुकुरी प्रहार गरी हत्या गरेको कास्की प्रहरी प्रवक्ता डीएसपी वसन्तकुमार शर्माले जानकारी दिए ।

कास्की अन्नपुर्ण गाउँपालिका वडा नं. १ नौडाँडा घर भएका उनीहरुको एक छोरा छन् । घटना विवरण अनुसार सामान्य विवादमा जहरसिंहले राधिकाको घाँटीमा र पेटमा धारिलो हतियार (खुकुरी) प्रहार गर्दा घाईते बनाएका थिए ।

उपचारको लागि पश्चिमाञ्चल क्षेत्रीय अस्पताल पठाएकोमा चिकित्सकले चेकजाँच गर्दा पौने १ बजे मृत घोषणा गरेको प्रहरीले जनाएको छ ।

घटनास्थलमा वडा प्रहरी कार्यालय बैदाम कास्कीबाट प्रहरी टोली खटिई गई जहरसिंहलाई खुकुरी सहित नियन्त्रणमा लिई थप अनुसन्धान कार्य भई रहेको प्रहरीले जानकारी दिएको छ ।