पोखरा नदीपुर स्थित यहाँको एक उत्कृष्ट क्याम्पस पोखरा कलेज अफ मेनेटमेन्ट (पिसिएम) ले स्नातक तहको अध्ययन सम्पन्न गरेका २०१९ ब्याचका विद्यार्थीहरूलाई एक कार्यक्रमका बीच बिदाई गरेको छ ।

लेकसाइड स्थित बरपिपल रिसोर्टमा सांस्कृतिक समारोहका बीच बीबीए, बीसीआईएसका आठौं सेमेस्टर परीक्षा दिएर बसेका विद्यार्थीहरुलाई सातौं सेमेस्टरका विद्यार्थीले बिदाई गरेका हुन् ।

कलेजकी प्राचार्य लिना श्रेष्ठ नेगीको प्रमुख आतिथ्यता रहेको थियो । उनले आगामी शैक्षिक भविष्यका लागि विद्यार्थीहरुलाई शुभकामना दिँदै अब विभिन्न क्षेत्रमा स्थापित भएर कलेजको नाम थप उचोँ पार्ने विश्वास व्यक्त गरिन् ।

यस कलेजमा अध्ययन गरेका विद्यार्थीले नेपालको सरकारी निकाय तथा उत्कृष्ट व्यापारिक प्रतिष्ठानमाहरूमा रोजगार पाइरहेको बताइन् । बीसीएसआईटीका कोओर्डिनेटर ई. हरिप्रसाद बराल, बीबीए कोओर्डिनेटर हरि अधिकारी लगायत कार्यक्रममा उपस्थित थिए ।

सातौं सेमेस्टरका विद्यार्थी सम्राट गुरुङको अध्यक्षतामा भएको कार्यक्रममा विद्यार्थीहरुले एकल तथा सामूहिक नृत्य, गायन लगायतका सांस्कृतिक प्रस्तुति राखेका थिए ।

अञ्जली पौडेलले स्वागत गरेकी थिइन् भने विक्रान्त कुँवरले कार्यक्रम सञ्चालन गरेका थिए । कार्यक्रममा करिब एक सय जनाको उपस्थिति रहेको थियो ।