स्याङ्जाको आँधीखोला गाउँपालिका -२ बेझाङमा बोलेरो जिप दुर्घटना हुँदा सात जना घाइते भएका छन् ।

शुक्रबार बिहान १० बजे शिरुबारी देखी पोखरा जाँदै गरेको ग १ ज ५७५६ नम्बरको बोलेरो जिप बेझाङ भालेखर्क स्थित भित्री सडकखण्डमा ब्रेक फेल हुँदा दुर्घटना भएको जिल्ला प्रहरी कार्यालय स्याङ्जाका प्रवक्ता एवं सूचना अधिकारी प्रहरी नायब उपरीक्षक हरि प्रसाद पौडेलले जानकारी दिए ।

दुर्घटनामा परी जिपमा सवार चालकसहित ८ जना मध्ये घाइते भएका सात जनालाई उपचारका लागि सेतिदोभान स्वास्थ्य चौकीमा पठाइएको डिएसपी पौडेलले बताए ।

घाइतेको विवरण :
१) स्याङ्जा आँधीखोला गा.पा.५ का ५० वर्षीय आत्मराम सिग्देल, देब्रे हातमा सामान्य चोट, अवस्था सामान्य ।

२) स्याङ्जा आँधीखोला गा.पा.५ कि ८४ वर्षीय कलावती घिमिरे, देब्रे हातमा र अनुहारमा सामान्य चोट, अवस्था सामान्य ।

३) स्याङ्जा आँधीखोला गा.पा.५ कि ३२ वर्षीय सिर्जना चापागाईं, शरिरमा भित्री चोट, अवस्था सामान्य ।

४) कास्की पोखरा महानगरपालिका  छोरेपाटन कि १६ वर्षीय अमना नेपाली, देब्रे हात र दुवै खुट्टामा चोट, अवस्था सामान्य ।

५) स्याङ्जा अर्जुनचौपारी गा.पा.५ कि ५८ वर्षीय शान्ति कुमारी सापकोटा, भित्री चोट, अवस्था सामान्य ।

६) स्याङ्जा अर्जुनचौपारी गा.पा.५ का ६१ वर्षीय शिव सिग्देल, शरिरमा भित्री चोट, अवस्था सामान्य ।

७) कास्की पोखरा महानगरपालिका ११ कि मनिषा नेपाली, सकुशल र निजकी ३ वर्षीय छोरी सोफीया नेपाली भित्री चोट, अवस्था सामान्य ।