तनहुँ । तनहुँमा जुवा (कौडा) खेलिरहेका १३ जना पक्राउ परेका छन् । उनीहरूको साथबाट १६ थान कौडा र ६ लाख ४३ हजार १९० रूपैयाँ नगद समेत बरामद भएको जिल्ला प्रहरी कार्यालय तनहुँले जनाएको छ ।

गएराति करिब १२ बजेको समयमा शुक्लागण्डकी नगरपालिका–२ हलेदीस्थित मानबहादुर घलेको घरमा जुवा खेलिरहेको भन्ने सूचनाको आधारमा पुगेको प्रहरीले उनीहरूलाई पक्राउ गरेको हो ।

पक्राउ पर्नेमा ६९ वर्षीय यामबहादुर शाही भन्ने यामबहादुर आले, ६३ वर्षीय भीमबहादुर थापा, ३५ वर्षीय प्रकाश जुवार्चन, ३८ वर्षीय रेमण राना, ३५ वर्षीय दिल कृष्ण आले र ३० वर्षीय विकाश श्रेष्ठ रहेका छन् ।

यस्तै, ५४ वर्षीय किसान आले, ३४ वर्षीय सुदीप परियार, ३१ वर्षीय विनोद थापा, ४२ वर्षीय मोहन मगर, ३९ वर्षीय टिकाराम रिमाल, ४१ वर्षीय दीलिप गुरुङ र ५० वर्षीय मानबहादुर घले पनि पक्राउ परेका छन् ।

खालबाट १६ थान कौडा बरामद भएको छ। उनीहरुमाथि मुलुक अपराध संहिताअनुसार कारबाही हुने प्रहरीले जनाएको छ।