पोखरा । पोखरा महानगरपालिका वडा नं. १५ मा आयोजित वडा खेलकुद महोत्सव शनिबार समापन हुँदैछ ।

शुक्रबार विभिन्न खेल सम्पन्न भएको छ । पुरूष भलिबलतर्फ चन्द्र सूर्य क्लब र तल्लो नयाँ गाउँ टोल विकास संस्था बीचको खेलमा विजयी हुँदै तल्लो नयाँ गाउँ टोल विकास संस्थाले उपाधि जितेको छ । चन्द्र सूर्य क्लब उपविजेता बन्यो ।

महिला भलिबल तर्फ फाइनल खेल जनजागृति आमा समूह र एकता आमा समूह बीच शनिबार मध्यान्ह १२ बजे सञ्चालन हुने वडा सचिव युवराज पौडेलले जानकारी दिए।

विद्यालय फुटबलतर्फ भएको पहिलो सेमिफाइनल खेल रेम्बो एकेडेमी र एस ओ एस भएको एस ओ एस बिजयी भई फाइनलमा प्रवेश गर्‍यो भने दोस्रो सेमिफाइनल खेल वेलनन र हार्वड एकेडेमी बीच भएकोमा वेलनन् एकेडेमी बिजयी भई फाइनलमा प्रवेश गरेको छ ।

एस ओ एस र वेलनन् एकेडेमी बीचको फाइनल खेल शनिबार बिहान ११ बजे हुनेछ ।

महोत्सव संयोजक आशिष भण्डारीका अनुसार क्लब फुटबलतर्फ नयाँ गाउँ युवा क्लब र गलेश्वर युवा क्लब बीचको खेलमा नयाँ गाउँ युवा क्लब, चन्द्र सूर्य क्लब र अलकापुर टोल विकास संस्था बीचको खेलमा अलकापुर टोल विकास संस्था, संगम टोल विकास संस्था र फलेपाटन टोल विकास संस्था बीचको खेलमा सङ्गम टोल विकास संस्था तथा प्रतिभा टोल विकास संस्था र दिव्य ज्योती क्लब बीचको खेलमा प्रतिभा टोल विकास संस्था बिजयी भएका छन् ।

शनिबार बिहान ७ बजे पहिलो सेमिफाइनल खेल नयाँ गाउँ युवा क्लब र सङ्गम टोल विकास संस्था बिच हुने छ भने दोस्रो सेमिफाइनल खेल बिहान ८ बजे अलकापुर टोल विकास संस्था र प्रतिभा टोल विकास संस्था बीच हुने वडा सचिव पौडेलले जनाए ।

महिला ब्याडमिन्टन सिङ्गलतर्फ मितेरी आमा समूहकी चन्द्रा छन्त्यालले उपाधि जितिन् । जनजागृति आमा समूह की गङ्गा नापित द्वितीय, स्यानीपाटन आमा समूहकी सिर्जना गुरुङ र आदर्श आमा समूहकी छोमाया पुन तृतीय बने ।

महिला ब्याडमिन्टन डबलतर्फ बेलबोट आमा समूहका सुधा थापा र जिमाया रानाको जोडीले उपाधि जित्यो । मितेरी आमा समूहका चन्द्रा छन्त्याल र सिसा केसीको जोडी द्धितीय, संगम टोल महिला समूहका लक्ष्मी लामा र पुष्पा कुमारी पुनको जोडी र एकता आमा समूहका शुसिला पुर्जा पुन र लाल कुमारी खावको जोडी तृतीय बने ।

पुरूष ब्याडमिन्टन सिङ्गल तल्लो नयाँ गाउँ टोल विकास संस्थाका तोरन गुरुङले उपाधि जिते । तल्लो सिमलबोट टोल विकास संस्थाका युवराज गुरुङ दोस्रो तथा कोलपाटन टोल विकास संस्थाका किरण आले र चन्द्र सूर्य क्लबका किस्मत गुरुङ तेस्रो बने ।

पुरूष ब्याडमिन्टन डबल तल्लो सिमलबोट टोल विकास संस्थाका युवराज गुरुङ र प्रकाश गुरुङको टोली प्रथम, चन्द्र सूर्य क्लबका खुम बहादुर गुरुङ र मनि प्रसाद गुरुङ द्वितीय, चार भाइ युवा क्लब कृष्ण कुमार गुरुङ र पूर्ण बहादुर जैसी तथा कोलपाटन टोल विकास समितिका किरण आले र अम बहादुर खोरजा तृतीय बने ।

महिला रस्सा कस्सी जनजागृति आमा समूह प्रथम भएको छ भने सङ्गम टोल आमा समूह दोस्रो हुन सफल भएको छ । ह्विलचेयर बास्केटबल र ह्विलचेयर दौड समेत सम्पन्न भएका छन् ।

शनिबार दिउँसो समापन कार्यक्रम तथा पुरस्कार वितरण कार्यक्रम आयोजना हुने वडाध्यक्ष तोरणबहादुर बानियाँले जानकारी दिएका छन् ।

‘राष्ट्रिय गरिमा र सामाजिक रूपान्तरणको लागि खेलकुद’ भन्ने नाराका साथ खेलकुद महोत्सव आयोजना गरिएको हो । बिद्यालय स्तरीय छात्रछात्रा सडक दौड, महिला तथा पुरुष सडक दौड, विद्यालय स्तरीय साइक्लिङ, विद्यालय स्तरीय छात्रछात्रा युनी हक्की सहित फुटबल र भलिबलको फाइनल समेत शनिबार नै हुने वडाध्यक्ष बानियाँले जानकारी दिए । महोत्सव माघ २ गतेबाट सुरु भएको थियो ।