देशकै धेरै विद्यार्थी अध्ययन गर्ने पोखराको पृथ्वीनारायण क्याम्पसमा भएको स्ववियू चुनावको मतगणना जारी छ ।
पछिल्लो मतपरिणाममा पनि एमाले निकट अनेरास्वयिुको प्यानलको अग्रता कायमै छ । ७८६ मत गणना हुँदा अनेरास्ववियुका विष्णु पोखरेलले ३०७ मत पाएका छन् ।
कांग्रेसनिकट नेविसंघलाई भने स्वतन्त्र उम्मेदवारी दिएकी विप्लबी न्यौपानेले उछिनेकी छन् । उनले १४५ र नेविसंघका सुशील न्यौपानेले ११९ मत पाएका छन् ।
अहिलेसम्म कसको कति मत ?
मतदानमा २ हजार ८९७ विद्यार्थी सहभागी भएका थिए । क्याम्पसमा ९२७० मतदाता रहेकोमा ३१.२५ प्रतिशत मात्र मत खसेको हो ।
स्ववियु अध्यक्ष पदका लागि ८ जना चुनावी मैदानमा उत्रिएका छन् । अध्यक्षका लागि नेविसंघबाट सुशील न्यौपाने, अनेरास्ववियुबाट विष्णु पोखरेल, अखिल क्रान्तिकारीबाट नवीन अधिकारी, अनेरास्ववियु समाजवादी, अखिल समाजवादी, अखिल क्रान्तिकारी (वैद्य)को संयुक्त प्यानलबाट सन्तोष पौडेल उम्मेदवार हुन् ।
अखिल छैटौंबाट मिलन सुनार र प्राज्ञिक विद्यार्थी परिषदबाट दिप्सन गुरुङले स्ववियु अध्यक्षमा उम्मेदवारी दिएका छन् । अध्यक्षका लागि कमल सुवेदी र विप्लवी न्यौपानेले भने स्वतन्त्र उम्मेदवारी दिएका हुन् ।
०६५ पछि यस क्याम्पसमा स्ववियु निर्वाचन हुन सकेको थिएन । हालसम्म एमाले निकट अनेरास्ववियुकै वर्चश्व रहँदै आएको छ ।
सम्बन्धित खबर
एसइई दिएका विद्यार्थीलाई डिजिटल प्रविधिको तालिम
नेपाल सुनचाँदी रत्न तथा आभुषण व्यवसायी संघ कास्कीको ११ औं वार्षिक साधारण सभा सम्पन्न
पोखरा–२८ मा कृषि गीत प्रतियोगिताः मातृशिशु कृषि समूह प्रथम
फोटो पत्रकारिता दिवसमा महाप्रभुधाम फोटो यात्रा
मैत्रीपूर्ण भलिबलमा टिम युनिटी र जिएण्डजी विजयी
भाटखोलामा वडास्तरीय पुरुष भलिबल प्रतियोगिता सुरु
यो पनि पढौँ
पोखरामा रेस्टुरेन्टमा खाएर डिएसपी हूँ भन्दै पैसा नतिर्ने बाग्लुङका पौडेल पक्राउ
कश्मीरमा मारिएका नेपालीको पहिचान खुल्यो, बुटवलका २७ वर्षीय सुदीप न्यौपाने
पोखराको फिर्के पुल निर्माण ठेक्का तोड्यो सडक विभागले
वैशाख ११ गतेदेखि नियमित कक्षा सञ्चालन गर्न पोखरा महानगरको अनुराेध