गोरखा । नेपाल पत्रकार महासङ्घ गोरखाको नयाँ नेतृत्व निर्विरोध चयन भएको छ ।

आइतबार सम्पन्न शाखाको सातौं अधिवेशनबाट नरेन्द्र ढकालको नेतृत्वमा १३ सदस्यीय नयाँ कार्यसमिति सर्वसम्मत चयन भएको हो ।

कार्यसमितिको खुल्ला उपाध्यक्षमा विकास मरहट्टा, महिला उपाध्यक्षमा अस्मिता सिंखडा र सचिवमा सुजन न्यौपाने चयन भएका छन् ।

यस्तै, सह–सचिवमा मोहसिन अलि मियाँ र समावेशी सह–सचिवमा दानबहादुर गुरुङ, कोषाध्यक्षमा गुणबहादुर रोका चयन भएका छन् ।

सदस्यतर्फ आदिवासी जनजातितर्फबाट बिबर गुरुङ चयन भएका छन् । समावेशी सदस्यतर्फ संगिता चेपाङ, सुदिप श्रेष्ठ, मेलिन बराम, राजेश पौडेल र विमल श्रेष्ठ चयन भएको निर्वाचन समितिका संयोजक स्थानेश्वर दुवाडीले जानकारी दिए ।

त्यस्तै गरी राष्ट्रिय परिषद सदस्यमा नरहरि सापकोटा र किरण कुमार लोहनी चयन भएका छन् ।

गत मंसिर २८ गते हुने भनिएको निर्वाचन सदस्य बिबाद भएपछि झन्डै साँढे ४ महिना पत्रकार महासङ्घ गोरखा शाखाको निर्वाचन स्थगित हुँदै आएको थियो ।