पाोखरा । पोखरामा लागू औषधसहित २ जना पक्राउ परेका छन् ।

पक्राउ पर्नेमा पोखरा महानगरपालिका १० शिबचोक बस्ने वर्ष ३९ को राज नेपाली र वर्ष ४५ को मिलन गुरुङ भन्ने राजेन्द्र गुरुङ रहेका प्रहरीले जनाएको छ ।

सोमबार साँझ ५ बजेतिर पोखरा १० शिवशक्ति मार्ग स्थितमा लागूऔषध कारोवार भई रहेको भन्ने सूचनाको आधारमा जिल्ला प्रहरी कार्यालय कास्कीबाट खटिएको प्रहरी टोलिले उनीहरुलाई पक्राउ गरेको हो ।

प्रहरीका अनुसार उनीहरुको साथबाट लागू औषध खैरो हेरोइन (ब्राउन सुगर) जस्तो देखिने धुलो पदार्थ ५०० मिलि ग्राम, लागूऔषध बुर्फिन नर्फिन २५ एम्पुल, डाईजापाम १३ एम्पुल र फेनेरागन १० एम्पुल गरी जम्मा ४८ एम्पुल र लागूऔषध गाँजा १ के.जी. ५०० ग्राम र निजहरुको मोवाईल २ थानसमेत बरामद गरेको छ ।

पक्राउ परेका उनीहरुलाई कास्की जिल्ला अदालतबाट लागू औषध सम्बन्धी मुद्दामा ५ दिन म्याद थप गरी अनुसन्धान प्रकृया अगाडी बढाईएको प्रहरीले जनाएको छ ।