default
काठमाडौँ । नेपाल क्रिकेट संघ (क्यान) का सचिव पारस खड्काले नेपाल प्रिमियर लिग (एनपीएल) टी-ट्वान्टी प्रतियोगिताको दोस्रो संस्करणको पहिलो दिनको टिकट बिक्री भइसकेकाले टिकट नहुने दर्शकलाई घरबाटै खेल हेर्न अनुरोध गरेका छन् ।
कीर्तिपुरस्थित त्रिवि क्रिकेट मैदानमा सोमबारदेखि हुने प्रतियोगिताको पूर्वसन्ध्यामा एक भिडिओ सार्वजनिक गर्दै खड्काले क्रिकेटप्रेमीहरूलाई संयमता अपनाउन आग्रह गरेका हुन् ।
“राज्यको अहिलेको परिस्थितिमा हामीले ग्राउन्डमा आएर धेरै हुलमुल गर्नुभन्दा पनि टिकट भएकाहरू ग्राउन्डमा हुनुहुन्छ । टिकट नहुनेहरूले आफ्नो घरमा बसेर क्रिकेट हेरेर र नेपाली क्रिकेटलाई साथ सहयोग गरिदिनुहुन्छ भन्नेमा हामी विश्वस्त छाैँ,” खड्काले भने ।
यो प्रतियोगिता विश्वस्तरमा संसारले हेर्ने भएको कारण कुनै पनि खालको घुसपैठ र नराम्रो घटनाले नेपाली क्रिकेट र देशको नै समग्र इज्जत/मानमा ठुलो असर गर्नेतर्फ सबैलाई सचेत गराउँदै खड्काले जिम्मेवार दर्शकको भूमिका निभाउन अपिल गरे ।
उनले निरन्तर साथ, सहयोग र माया दिइरहेका सम्पूर्ण देश तथा विदेशमा रहेका नेपाली क्रिकेटका समर्थकहरूलाई धन्यवाद दिँदै आगामी दिनमा नेपालमा ठुला-ठुला राष्ट्रहरूलाई पनि क्रिकेट खेल्न बोलाउन सकिने गरी एनपीएललाई सफल बनाउन सहयोग गर्न आग्रह गरे ।
सार्वजनिक तालिकाअनुसार एनपीएलको पहिलो खेल साबिक विजेता जनकपुर बोल्ट्स र काठमाडौं गुर्खाजबिच हुनेछ ।
This will close in 4 seconds
सम्बन्धित खबर
फिफाबाट एन्फा निलम्बनको अर्को असर : यू–२० एसियन कप छनोटबाट नेपाल बाहिरियो
अर्जेन्टिनालाई हराउँदै विश्वकप विजेता बन्यो स्पेन
विश्वकप उपाधिका लागि अर्जेन्टिना र स्पेन भिड्ने, मेसी र यमलबीच ऐतिहासिक भिडन्त
इंग्ल्यान्डलाई हराउँदै अर्जेन्टिना विश्वकपको फाइनलमा
पत्रकार केशव पाठकसहित सात जना प्रदेश खेलकुद पदकबाट विभुषित
अपराजित स्पेन र फ्रान्स आमने-सामने, कसको यात्रामा ब्रेक ?
यो पनि पढौँ
प्रतिभाका सबिन देशभरमै तेस्रो, गण्डकीमा पहिलो
मर्दी हिमाल पदयात्रामा गएका पोखराका तीन युवक बादलडाँडा क्षेत्रबाट सम्पर्कविहीन
दुई किशोरीलाई गेस्ट हाउसमा लगेर सामूहिक बलात्कार गरेको आरोपमा दुई जना पक्राउ
पाकिस्तानमा हिमपहिरोमा हराइरहेका निम्सदाइ सहित अन्य पाँच नेपाली जीवित भेटिने आशा कमजोर, युक्तको शव निकालियो