स्याङ्जाको अर्जुनचौपारी गाउँपालिका–२ खाल्टेमा अग्रदिप युवा क्लबको आयोजनामा वडा स्तरीय पुरुष भलिबल प्रतियोगिता हुने भएको छ । यही पुस १५ गतेदेखि सुरु हुने प्रतियोगिताको सम्पूर्ण तयारी पूरा भएको क्लबले जनाएको छ ।
प्रतियोगिताले स्थानीय खेलकुद गतिविधिलाई चलायमान बनाउने अपेक्षा गरिएको क्लबका अध्यक्ष नेत्रबहादुर रोकाले बताए । उनले प्रतियोगिताप्रति स्थानीयस्तरमा उत्साह र उमंग देखिएको उल्लेख गर्दै यसले गाउँपालिकाको खेलकुद विकाससँगै कला, संस्कार र संस्कृतिको जगेर्नामा पनि टेवा पुग्ने विश्वास व्यक्त गरे ।
प्रतियोगितामा प्रथम हुने टिमले ८१ हजार १११, दोस्रोले ५१ हजार १११, तेस्रोले ३१ हजार १११ र सान्त्वना टिमले ११ हजार १११ रुपैयाँ नगदसहित ट्रफी, मेडल र प्रमाणपत्र प्राप्त गर्नेछन् । साथै उत्कृष्ट खेलाडी, उत्कृष्ट स्पाइकर, उत्कृष्ट सर्भर, उत्कृष्ट सेटर, उत्कृष्ट ब्लकर र उत्कृष्ट डिफेन्डरलाई समेत ट्रफी, मेडल र प्रमाणपत्रसहित सम्मान गरिने खेल संयोजक जीवन कुमार रोकाले जानकारी दिए । प्रतियोगितामा टिम दर्ता शुल्क ६ हजार ५०० रुपैयाँ तोकिएको छ ।
खेलकुदसँगै कार्यक्रमलाई थप आकर्षक बनाउन विभिन्न सांस्कृतिक कार्यक्रम आयोजना गरिने क्लबका सचिव गौतम रोकाले बताए । उनका अनुसार पुस १५ गते बिहान ११ : ३० बजे खाल्टे खेलमैदानमा पहिलो उद्घाटन खेल हुनेछ ।
सम्बन्धित खबर
‘रात्री आकाश’ गजल कृति सार्वजनिक
पर्वत जिल्ला ईन्टर स्कुल टि–२० क्रिकेट प्रतियोगिता सुरुः नारायण मावि र सरस्वती माविको विजय सुरुवात
चलचित्र पत्रकार संघ कास्कीमा सन्तोषको नेतृत्वमा नयाँ कमिटी
प्रतिभामा एचएमका विद्यार्थीको कला र सीप प्रदर्शन
कालिका क्याम्पसमा केसी परिवारद्वारा ३ करोड बढी लगानीमा पुस्तकालय भवन
अवैध नदीजन्य पदार्थ ओसारपसारमा प्रयोग भएका नौ सवारीसाधन पक्राउ
यो पनि पढौँ
पोखरा विमानस्थलमा ट्याक्सी चालकको दादागिरी, यात्रुसँग अभद्र व्यवहार गर्ने ५ जना कारबाहीमा
‘भोलि विद्यालय बन्द गर्ने निर्णय गरेका छैनौं’ – निजी विद्यालय सञ्चालक
फेवातालको सिमसार पुर्ने युवराज खतिवडालाई अभद्र व्यवहारको कसुरमा मुद्दा
पोखराको कृष्तिमा पुस १० मा सुन्तला महोत्सवको तयारी