अवैध रूपमा पेट्रोल सञ्चय गरी बिक्रीवितरण गरेको आरोपमा स्याङ्जा प्रहरीले एक जनालाई पक्राउ गरेको छ । जिल्ला प्रहरी कार्यालय स्याङ्जाबाट खटिएको टोलीले फेदीखोला गाउँपालिका–२ स्थित एक एग्रोभेट पसलमा छापा मारेर पेट्रोल लुकाई राखिएको अवस्थामा फेला पारेको हो ।
शुक्रबार बिहान करिब ११ बजे अवैध रूपमा अति प्रज्वलनशील पदार्थ(पेट्रोल)को कारोबार भइरहेको सूचना पाएपछि प्रहरीले फेदीखोला बजारमा रहेको “गंगा एग्रोभेट पसल”मा जाँच गरेको थियो । जाँचका क्रममा बिक्री गर्ने उद्देश्यले लुकाईछिपाई राखिएको २४.५ लिटर पेट्रोल बरामद गरिएको प्रहरी निरीक्षक सागर कार्कीले जानकारी दिए ।
पक्राउ पर्नेमा फेदीखोला गाउँपालिका–२ का ४२ वर्षीय गंगा प्रसाद पौडेल रहेका छन् । उनलाई कालोबजार सम्बन्धी कसूरमा नियन्त्रणमा लिई जिल्ला प्रशासन कार्यालय, स्याङ्जाबाट सात दिनको म्याद थप गरी थप अनुसन्धान अघि बढाइएको प्रहरीले जनाएको छ ।
अनुसन्धानका क्रममा पौडेल यसअघि पनि अवैध रूपमा पेट्रोल बिक्री गरेको अभियोगमा जिल्ला प्रशासन कार्यालयबाट २० हजार रुपैयाँ जरिवाना तिरेर छुटेको तथ्य खुलेको प्रहरी निरीक्षक कार्कीले बताए । प्रहरीले अवैध रूपमा इन्धनको कारोबार नगर्न सबैलाई सचेत गराउँदै यस्ता गतिविधिमा कडाइ गर्ने जनाएको छ ।
सम्बन्धित खबर
अवैध नदीजन्य पदार्थ ओसारपसारमा प्रयोग भएका नौ सवारीसाधन पक्राउ
पुतलीबजारमा कपडा बैंकको सुरुआत
अवैध पेट्रोल बिक्री आरोपमा फेदीखोलाबाट एक जना पक्राउ
अर्जुनचौपारी राष्ट्रपति रनिङ शिल्डको उपाधि पञ्चकन्या माविलाई
प्रदेश सरकारको निर्णयपछि स्याङ्जामा सामाजिक र उद्योग दुई कार्यालयको एकीकृत सेवा सुरु
वडा स्तरीय पुरुष भलिबल प्रतियोगिता हुने
यो पनि पढौँ
पोखरा विमानस्थलमा ट्याक्सी चालकको दादागिरी, यात्रुसँग अभद्र व्यवहार गर्ने ५ जना कारबाहीमा
‘भोलि विद्यालय बन्द गर्ने निर्णय गरेका छैनौं’ – निजी विद्यालय सञ्चालक
फेवातालको सिमसार पुर्ने युवराज खतिवडालाई अभद्र व्यवहारको कसुरमा मुद्दा
पोखराको कृष्तिमा पुस १० मा सुन्तला महोत्सवको तयारी