पोखरा । नेकपा एमालेले गण्डकीका १८ वटै निर्वाचन क्षेत्रमा उम्मेदवारको टुंगो लगाएको छ ।
एमालेले प्रदेश राजधानी कास्कीको क्षेत्र नम्बर १ मा जिल्ला अध्यक्ष बैनबहादुर अधिकारी क्षेत्रीलाई उम्मेदवार बनाएको छ । उनी एमाले कास्कीका अध्यक्ष हुन् ।
क्षेत्र नम्बर २ मा कृष्ण थापा र क्षेत्र नम्बर ३ मा दामोदर बैरागीलाई टिकट दिएको छ । थापा मेयरमा पराजित भएका थिए भने बैरागी यसअघि ०७९ सालमा क्षेत्र नं. ३ बाट विजयी भएका थिए ।
यसअघि तीनवटै क्षेत्रमा युवालाई उम्मेदवार बनाउने चर्चा थियो । १ बाट दिलिप न्यौपाने, २ बाट रश्मि आचार्य र ३ बाट माधव बास्तोलाको नाम चर्चामा भएपनि अन्तिम समयमा टिकट उलटफेर भएको एमाले नेताहरू बताउँछन् ।
यस्तै, नवलपुर १ मा भगीरथ सापकोटा र २ मा तिलबहादुर महत उम्मेदवार बनेका छन् । गोरखाबाट १ मा आरसी लामिछाने र २ बाट मिलन गुरुङ उर्फ चक्रे मिलनले टिकट पाएका छन् । लमजुङबाट पृथ्वी सुब्बा गुरुङको नाम टुङ्गिएको छ ।
लमजुङका उम्मेदवार पिएस नवौं पटक उम्मेदवार बन्ने पक्का हुँदा पर्वतका पदम गिरी ह्याट्रिक गर्ने दाउमा छन् ।
तनहुँ १ मा भगवती न्यौपाने र २ मा केदार सिग्देल उम्मेदवार भएका छन् । स्याङ्जा १ मा मिनप्रसाद गुरुङ र २ मा खिमबहादुर थापा उम्मेदवार बनेका छन् । म्याग्दीबाट हरिकृष्ण श्रेष्ठ चुनावी उम्मेदवार बनेका छन् । बागलुङ १ बाट हिरा केसी र २ बाट मन्जु शर्मा चालिसे उम्मेदवार बनिन् । मुस्ताङबाट इन्द्रधारा बिष्ट, मनाङबाट पोल्देन छोपाङ गुरुङ र पर्वतबाट पदम गिरीको नाम टुङ्गिएको छ ।
एमालेले तय गरेका उम्मेदवारमा पालिका अध्यक्षदेखि गुण्डा नाइकेसम्म छन् । स्याङ्जा २ बाट उम्मेदवार बनेका खिमबहादुर थापा कालिगण्डकी गाउँपालिका अध्यक्ष तथा गाउँपालिका राष्ट्रिय महासंघका केन्द्रीय महासचिव हुन् । गोरखा २ बाट उम्मेदवार बनेका चक्रे मिलन गुण्डा नाइके हुन् ।
This will close in 4 seconds
सम्बन्धित खबर
पोखरामा थ्री–एस सुविधासहित बीवाइडीको आधिकारिक सर्भिस सेन्टर खुल्यो
बाघको आक्रमणमा दुई बाख्रा मरे
स्याङ्जा प्रशासनको सेवा अब सहज, नयाँ प्रणालीले घटायो लाइन र झन्झट
कञ्चन पत्रकारिता पुरस्कार २०८३ बाट पत्रकारद्वय सारु र जिटी सम्मानित
वर्षा र चितुवाको प्रकोपले पुतलीबजारका किसानलाई दोहोरो मार
कृषि एम्बुलेन्स पाएपछि वालिङका किसानलाई राहत
यो पनि पढौँ
मर्दी हिमाल पदयात्रामा गएका पोखराका तीन युवक बादलडाँडा क्षेत्रबाट सम्पर्कविहीन
दुई किशोरीलाई गेस्ट हाउसमा लगेर सामूहिक बलात्कार गरेको आरोपमा दुई जना पक्राउ
बसले ठक्कर दिँदा सुनकोशीमा खसेकाे कारभित्र ४ यात्रु रहेको खुल्यो
गण्डकीका प्रदेश प्रमुख भट्टले गरे गाँजा विधेयक प्रमाणीकरण