पोखरा । आसन्न प्रतिनिधि सभा निर्वाचनमा नेकपा ( एमाले ) को तर्फबाट कास्की क्षेत्र न २ का उम्मेदवार रश्मि आचार्यले आफ्नो जन्मथलो पोखरा ३३ भरत पोखरीबाट आफ्नो निर्वाचन अभियान शुरु गरेका छन् ।
पोखरा ३३ मा आयोजित विशेष कार्यक्रम मार्फत् उक्त क्षेत्रका स्थानियको शुभकामना ग्रहण गरेर उनले निर्वाचन अभियान प्रारम्भ गरेका हुन् ।
सो अवसरमा उम्मेदवार आचार्यले जन्मथलोको आशिर्वादले आफ्नो विजय यात्रा सुनिश्चित भैसकेको भन्दै हिजोको अधुरा काम र नयाँ योजना सहित सबैले गौरव गर्ने गरेर काम गर्ने प्रतिबद्धता जनाए ।
‘हिजो यो क्षेत्रमा हाम्रा जनप्रतिनिधिले गरेका विकास र नीति निर्माणमा खेलेको गौरबशाली बिरासत झन उँचो बनाउनेछु । आफ्ना मतदाता र कास्कीबासीकै शिर निहुरिनुपर्ने काम गर्ने छैन’ – उनले भने।

सुशासन र भ्रष्टाचार नियन्त्रण मार्फत् उत्कृष्ट नीति निर्माण र त्यसको प्रभावकारी कार्यान्वयनबाटै विकास द्रुत हुन सक्ने आफ्नो ठहर रहेको उनले बताए ।
सो अवसरमा एमाले पूर्व केन्द्रिय सदस्य समेत रहेका गण्डकी प्रदेश सभा सदस्य भीम कार्कीले रश्मिको उम्मेदवारी सबै भरतपोखरीको साझा उम्मेदवारी भएको भन्दै आफ्नो उम्मेदवारलाई अत्यधिक बहुमतले विजयी गराउन अनुकरणीय उदाहरण भरतपोखरी हुनेमा कुनै शंका नरहेको बताए ।
भरत पोखरीको धर्ती पुत्र जुझारू बौद्धिक युवा उम्मेदवार रश्मिलाई सूर्य जस्तै चम्काउने उल्लेख गर्दै जनसाथ नै विजयका लागि पर्याप्त हुने बताए ।
अनेमसंघ केन्द्रिय सल्लाहकार सृजना शर्मा, एमाले कास्कीका कार्यबाहक अध्यक्ष भेषराज बराल, पोखरा महानगर कमिटी अध्यक्ष जीवन प्रसाद आचार्य ,प्रदेश कमिटी सदस्य केशब आचार्य, तेजनारायण अधिकारी, कास्की दुईका संयोजक झपट रानाभाट, स्थानिय नेता कार्यकर्ता र युवाहरू सहित मतदाता साक्षात्कारमा ब्यस्त उम्मेदवार आचार्यलाई गर्नुपर्ने विभिन्न भावाी कामको बारेमा समेत सुझाव प्रदान गरेको नेकपा (एमाले ) पोखरा ३३ का अध्यक्ष टुकराज भण्डारीले जानकारी दिए ।
सम्बन्धित खबर
कास्की-२ का एमाले उम्मेदवार रश्मिले जन्मथलो भरतपोखरीको आशिर्वाद लिएर थाले निर्वाचन अभियान
कास्की अदालतले पनि रवि विरूद्धको संगठित अपराध र सम्पत्ति शुद्धीकरण मुद्दा तत्काल फिर्ता नगर्ने
जसपाले उम्मेदवार बनाएका व्यक्ति नै एमाले प्रवेश गरेपछि…
आजदेखि औपचारिक प्रचारप्रसार खुला, ठूला सभा पनि गर्न पाइने
आज दिनभरीमा मतपत्र छापिसक्ने
स्याङ्जालाई नमूना बनाउने भन्दै कांग्रेस उम्मेदवारले सार्वजनिक गरे संकल्प पत्र
यो पनि पढौँ
महेन्द्रपुलमा रहेको काठमाडौं फ्रेस बेकरीले अखाद्य सामाग्री बेचेपछि २० हजार जरिवाना
फेवातालमा राति कार खस्दा स्याङ्जाका युवकले ज्यान गुमाए
बागलुङ स्कुल भ्यान दुर्घटना अपडेट: मृतकको संख्या २ पुग्यो, पोखरामा उपचाररत सुजलको मृत्यु
पोखरा र भैरहवा अन्तर्राष्ट्रिय विमानस्थल नचल्नुमा चीन कारण होइन: लियाङ