पोखरा। रेन्बो चिल्ड्रेन होम नेपाल बालगृहको आज १४ औ साधारण सभा तथा छैटौँ अधिवेशन सम्पन्न भएको छ । बालगृहका अध्यक्ष कमला ढकालको अध्यक्षतामा भएको कार्यक्रममा एसइईमा उत्तीर्ण हुन सफल भएका बालगृहका बालबालिकाहरूलाई फूल गुच्छा तथा खादा लगाइदिएर सम्मान गरिएको थियो ।
कार्यक्रमका प्रमुख अतिथि बाल अधिकार परिषद् गण्डकी प्रदेश समन्वय अधिकृत बद्री प्रसाद वाग्लेले पोखरामा कूल ६० वटा बालगृह रहेकोमा हाल घटेर २९ वटा मात्र रहेको र ती सबैमा हाल ६२४ जना असहाय उत्पीडित बालबालिकाहरू रहेको बताए ।
विशेष अतिथि पोखरा महानगरपालिका वडा नं – ६ का सदस्य वासुदेव बराल रहेको उक्त कार्यक्रममा टानका कृष्ण आचार्य, पूर्व पर्यटन सदस्य अग्नी कँडेल, अन्नपूर्ण आमा समूहकी अध्यक्ष रेणु लामिछाने, बालगृह सञ्जालका मोहन त्रिपाठी लगायतले स्वागत मन्तव्य राखेका थिए।
त्यस्तै, बालगृहबाट अध्ययन गरी पुनः बालगृहका बालबालिकाहरूलाई अध्ययनमा सहयोग गर्ने सुदिप गौतम, सन्देश ढकाललाई दोसल्ला तथा कदर पत्रले सम्मान गरिएको थियो ।
संस्थामा एक दशकदेखि अनवरत रूपमा कार्य गर्दै आएकी कर्मचारी भिमारत्न पौडेललाई दोसल्ला तथा प्रमाणपत्र प्रदान गरी सम्मान गरिएको थियो भने छैटौँ अधिवेशनमा सर्वसम्मत रूपमा कमला ढकालको अध्यक्षतामा ९ सदस्यसिय नयाँ कार्य समितिको चयन गरिएको थियो ।
कार्यक्रममा बालगृह सञ्चालक गोमा ढकालले बालगृह बारे संक्षिप्त जानकारी दिएकी थिइन् भने संस्थाका सचिव विशाल लामिछानेले कार्यक्रम सञ्चालन गरेका थिए ।
सम्बन्धित खबर
गण्डकीका मुख्यमन्त्री अधिकारीको २३ गते विश्वासको मत लिने तयारी
सूर्य दर्शन सहकारीका दुई जनालाई थुनामै राख्ने आदेश सदर
पोखराको बिजुली पसल गोदाममा आगलागी हुँदा ८० लाख बढीको क्षति
पोखरामा छोरीसँग झगडा गरेको भन्दै युवतीमाथि हतियार प्रहार गर्ने स्याङ्जाका सोम प्रकाउ
पोखरामा अवैध लागु औषधसहित २ जना पक्राउ
पोखरामा पैदल यात्रीलाई दु:ख दिने तथा प्रहरी विरुद्ध अभद्र व्यवहार गर्ने एकजना पक्राउ
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग