पोखरा । पोखरा लेखनाथ महानगरपालिका ७ शान्तिनगर चोक नजिकैको सटरको छेउमा बेवारिसे अवस्थामा एक नाबालक शिशु भेटिएको छ।
एक सटर अगाडी ब्ल्याङ्गकेट सहित भुइँमा सुताएर राखेको अवस्थामा सबेरै करिब एक-डेढ महिनाको नावालक भेटिएपछि स्थानीयले प्रहरीलाई खबर गरेका थिए। आमाबाबुको खोजी गर्दा पनि नभेटेपछि उनीहरुले प्रहरीलाई खबर गरेका हुन्।
प्रहरीले बच्चालाई तत्कालै उद्धार गरी पोखरा स्वास्थ्य विज्ञान प्रतिष्ठान (पश्चिमाञ्चल क्षेत्रीय अस्पताल) पु¥याएको छ।बच्चालाई लामो समय बाहिर हावामा छाडेका कारण बच्चाको अस्वस्थ भएकोले उद्धार गरि तत्काल अस्पताल पुर्याइएको वडा प्रहरी कार्यालय बैदामका प्रमुख डिएसपी नविन कार्कीले गण्डकन्यूजलाई जानकारी दिए ।
राति नै बच्चालाई सटर छेउमा छाडिएका कारण स्वास्थ्य बिग्रिएको हो । बच्चालाई जन्डिस देखिएको र अहिले उपचार पश्चात बच्चाको अवस्था खतरा मुक्त रहेको डिएसपी कार्कीले बताए । उनका अनुसार बच्चालाई आफूले पाल्ने भन्दै धेरै संख्यामा ईच्छुक व्यक्ति आएका छन् । बाल कल्याण समितिले नियमानुसार प्रक्रिया अघि बढाउने उनले बताए ।
अहिलेसम्म कसैले बच्चा हराएको भन्ने खबर नगरेकोले बच्चाको अभिभावकलेनै नियतबस बच्चा छाडेर भागेको देखिन्छ ।
तस्विर: फेसबुकबाट
सम्बन्धित खबर
प्रतिभा सुपर लिग क्रिकेट सुरू, प्रतिभा र बाल मन्दिरको विजयी सुरूवात
पुलिसलाई हराउँदै न्यू डायमण्डले जित्यो टाइगर कपको महिलातर्फको उपाधि
होराइजन क्लब वालिङ्ले जित्यो २६ औं आदर्श कप
प्रेस चौतारी पत्रकारिता पुरस्कार रामजीलाई, विष्णुलाई सम्मान
पोखराका पत्रकारद्वय धन र सागरलाई टंकादेवी–तुलसीप्रसाद पत्रकारिता पुरस्कार
प्रतिभा माविमा गणित हाजिरीजवाफ
यो पनि पढौँ
स्याङ्जाको बैंकमा सुरक्षा गार्डमाथि चक्कु प्रहार, एक युवक पक्राउ
प्रतिभा माविमा गणित हाजिरीजवाफ
जसले संसद भवन जलायो, रास्वपाले मोरङ–२ मा उसैलाई उम्मेदवार बनायो
कान चुँडाएर सुन लुट्ने गिरोह पक्राउ, मुख्य नाइके जेन-जी आन्दोलनमा हिरासतबाट भागेका तामाङ