पोखरा । स्थापनाको छोटो अवधिमै स्थापित यहाँको लायन्स क्लब अफ पोखरा गण्डकी युथले नयाँबजार क्षेत्रका नागरिकका लागि निःशुल्क मधुमेह परीक्षण कार्यक्रम गरेको छ ।
कार्यक्रमको शुभारम्भ प्रमुख अतिथि ३२५ जे नेपाल सेकेण्ड भाइस डिस्ट्रिक्ट गभर्नर लायन मिलन थापाले विश्व शान्ति श्रेष्ठलाई सुगर टेस्ट किट हस्तान्तरण गरेर गरेकी थिइन् ।
प्रमुख अतिथि थापाले सक्रिय युथहरु सम्मिलित यस क्लबले पोखराकै उदाहरणिय क्लब बनेको बताउँदै यस्तै सामाजिक कार्यहरुलाई निरन्तरता दिन अनुरोध गरिन् । विशेष अतिथि डिस्ट्रिक्ट चिफ लायन पूजन शाक्यले गण्डकी युथका हरेक गतिविधिमा आफू सधैं तयार रहेको बताइन् ।
संस्थापक अध्यक्ष लायन स्वेता ओझा श्रेष्ठको अध्यक्षतामा भएको कार्यक्रममा डायबिटिज डिस्ट्रिक्ट कमिटि मेम्बर लायन सुजन श्रेष्ठ लगायतले बोलेका थिए । कार्यक्रमको सञ्चालन संस्थापक सचिव लायन श्रीया श्रेष्ठले गरेकी थिइन् ।
जाँचका लागि प्राविधिक सहयोग ल्याब टेक्निसियन उमेश शाहले गरेका थिए । एक सय भन्दा बढी नयाँबजारबासी याे कार्यक्रमबाट लाभान्वित भएका छन् ।
विश्वकै पहिलो महिला लायन्स क्लब, लायन्स क्लब अफ पोखरा गण्डकीको स्पोन्सरमा स्थापित गण्डकी युथले छोटो समयमै थुप्रै सामाजिक कार्यहरु गरिसकेको छ । यस संस्थाले यसअघि महिला र बालबालिकाका लागि पोषण सचेतना, वृक्षारोपण, शैक्षिक सामाग्री वितरण जस्ता कार्यक्रम गरेको थियो ।
सम्बन्धित खबर
२६औँ आहा ! रारा पोखरा गोल्डकप माघ ५ गतेदेखि
र्याफ्टिङमा पोखराको अपर सेतीमा पर्यटकको आकर्षण
पोखरा–दुबई उडानको एक वर्षको टिकट बुकिङ खुला
संगीत तथा नाट्य प्रज्ञा प्रतिष्ठानका प्राज्ञहरूद्वारा सुझाव संकलन
पोखरा बस दुर्घटनाको छानबिन गर्न महानगरले बनायो समिति
पोखरामा स्कुल बस दुर्घटना, ४ विद्यार्थीसहित ५ जनाको मृत्यु
यो पनि पढौँ
पोखरामा स्कुटर दुर्घटना हुँदा कुँवरको मृत्यु
आईजीपी कार्कीलाई राजीनामा दिन प्रधानमन्त्री बालेन टीमको दबाब !
जीर्ण पोल र गुजुल्टिएका तार हटाएपछि फर्कियो पोखराको सौन्दर्य
स्याङ्जा नागरिकता किर्ते प्रकरण : ताकेतापछि मात्रै ३ कर्मचारी पक्राउ