पोखरा महानगर अन्तर्गत ३३ वटा वडामध्ये सामाजिक काममा सक्रियतापूर्वक लागेको वडामध्ये वडा नं. १५ अग्रपंक्तिमा आउँछ । तोरणबहादुर बानियाँ वडाध्यक्षमा निर्वाचित भएपछि उनले सुरु गरेको प्रशंसनीय काममध्ये वृहत सरसफाई कार्यक्रम पनि एक हो । वडामा सरसफाई, खेलकुद, विपन्न वर्गलाई सहयोग हस्तान्तरणका कार्यक्रमहरु निरन्तर हुँदै आएको छ ।
वडा नं. १५ ले मासिक रूपमा आयोजना गर्दै आइरहेको बृहत् सरसफाई कार्यक्रमको वैशाख महिनाको श्रृंखला शनिबार सम्पन्न भएको छ । रातीखहरेदेखि सीताघाटसम्म सरसफाई गरिएको छ ।
‘हाम्रो वडा, राम्रो वडा’ भन्ने अभियान स्वरूप वडाले मासिक रूपमा अन्तिम शनिबार कार्यक्रम आयोजना गर्दै आएको हो । सरसफाइ कार्यक्रममा टोलबासी, आमा समूह, युवा क्लब, नागरिक समाज, विद्यार्थी, सशस्त्र प्रहरी, नेपाल प्रहरी लगायत राजनीतिक दलको पनि सहभागिता रहेको थियो।
सरसफाइ कार्यक्रमलाई समापन गर्दै वडा अध्यक्ष बानियाँले आफ्नो घर मात्र होइन, घर अगाडि, टोल सफा राख्न सके मात्र वातावरण स्वच्छ हुने र स्वस्थ रहन सकिने बताए । उनले सरसफाइ कार्यक्रमलाई निरन्तरता दिँदै आएको बताए ।
बानियाँले सरसफाई अभियानका लागि मात्र वडाले यस वर्ष १७–१८ लाख बजेट बिनियोजन गरेको भन्दै टोल–टोलमा डस्टबिन वितरण लगायत फोहोर वर्गीकरणका लागि तालिमहरू सञ्चालन हुने बताए ।
कार्यक्रमकाे संयाेजन वडा सदस्य आशिष भण्डारीले गरेका थिए ।
सम्बन्धित समाचारहरु:
सम्बन्धित खबर
प्रतिभा माविद्वारा खेलकुदका उत्कृष्टलाई पुरस्कार प्रदान
पुस्तकालय व्यवस्थापन सम्बन्धी तालिम सम्पन्न
‘निट पत्रकारिता पुरस्कार’बाट कोइराला पुरस्कृत
पोखरामा सँगै मदिरा पिएपछि विवाद हुँदा साथीको हत्या, दुई जना पक्राउ
चरक मेमोरियल हस्पिटलको १३ औं वार्षिकोत्सवमा विविध कार्यक्रम
एन प्याब्सनको बृहत् बाल प्रतिभा पहिचान महोत्सव तथा खेलकुद, १५ सय विद्यार्थी प्रतिस्पर्धा गर्दै
यो पनि पढौँ
पोखरा रंगशालामा पनि फ्लडलाइट जडान गरिनेछः कुलमान घिसिङ
पोखरेललाई फकाउँदै ओली- घच्चमच्च भएको भए सरी, विरोधीले लखेटेका बेला साथ खोजेको हुँ
एमालेका युवराज र अष्टलक्ष्मीसहित तीन शीर्ष नेताले सक्रिय राजनीति छाडे
नवनियुक्त ४ मन्त्रीले लिए शपथ, को हुन् नयाँ मन्त्री?