पर्यटकीय गाउँ घान्द्रुकमा तेस्रो संस्करणको अन्नपूर्ण म्याराथनको तयारी थालिएको छ । जेठ १७ देखि २० गतेसम्म अन्नपूर्ण म्याराथनको तेस्रो संस्करण हुने भएको हाे । अन्नपूर्ण सेन्चुरी पर्यटन समितिको आयोजना तथा घान्द्रुक पर्यटन व्यवस्थापन समितिको संयुक्त आयोजनमा अन्नपूर्ण गाउँपालिका १० मा म्याराथन हुन लागेको हो।
अन्नपूर्ण हिमालको आधार शिविरबाट सुरु हुने म्याराथन माछापुच्छ्रे आधार शिविर, बगर, देउराली, किम्रोङखोला, उरी हुँदै घान्द्रुकमा आएर सकिने संयोजक ललित गुरुङले बताए । म्याराथनमा पुरुषतर्फको विजेताले १ लाख ५० हजार रुपैयाँ पुरस्कार हात पार्नेछन् । दोस्रो र तेस्रो हुनेले क्रमशः १ लाख र ७५ हजार रुपैयाँ प्राप्त गर्नेछन् ।
महिलातर्फको विजेताले ७५ हजार रुपैयाँ प्राप्त गर्दा दोस्रोले ५० हजार र तेस्रोले २५ हजार रुपैयाँ हात पार्नेछन् । २०७४ मा शुरू भएर दोस्रो संस्करण सफल भएपनि कोभिड १९ ले तेस्रो संस्करणलाई निरन्तरता दिन नसकेको उनले बताए।
सन् १९५० जुन ३ तारिखमा फ्रान्सेली मौसिर हर्जोगले अन्नपूर्ण हिमालको चुचुरोमा पाइला टेकेको दिनलाई अन्नपूर्ण आरोहण दिवसका रुपमा मनाइन्छ । ‘दिवस मनाउन म्याराथन आयोजना गरेका छौं’, गुरुङले भने । म्याराथनले पर्यटनको क्षेत्रमा देखिएको संकट मोचन गर्ने उनको भनाइ छ ।
पर्यटन सेन्चुरी महोत्सवमा म्याराथनसहित अन्नपूर्ण पत्रकारिता पुरस्कार, हर्स राइडिङ, गुरुङ संस्कार संस्कृतिको प्रदर्शनी, गाँउस्तरीय पुरुष भलिबल प्रतियोगिता र पुरुष खुला बास्केटबल प्रतियोगिता हुने घान्द्रुक होटल व्यवस्थापन समितिका अध्यक्ष विक्रम गुरुङले जानकारी दिए ।
६ हजार रूपैयाँ दर्ता शुल्क रहेको प्रतियोगितामा प्रथम हुनेले ८०—८० हजार र दोस्रो हुनेले ५०—५० हजार रूपैयाँ पुरस्कार पाउने छन्। म्याराथन धावकहरूले जेठ १५ गतेभित्र नाम दर्ता गराएर १८ गते म्याराथन आरम्भ बिन्दुबाट प्रस्थान गरि अन्नपूर्ण आधारशिविर पुगेर आयोजकको सम्पर्कमा आउनुपर्नेछ । यस्तै, भलिबल र बास्केटबल प्रतियोगितामा सहभागी हुनका लागि जेठ १३ गतेभित्रमा आफ्नो टिमको नाम दर्ता गराउनुपर्ने आयोजकले जनाएको छ। साथै, महोत्सवमा अन्य साँस्कृतिक कार्यक्रम पनि राखिएको छ।
सम्बन्धित खबर
बागलुङ कालिका दर्शन गरी तनहुँ फर्कँदै गर्दा पोखराको हेम्जामा बस दुर्घटना
लेकसाइडमा स्कुटरलाई ठक्कर दिएर भागेका कुशल पक्राउ
गण्डकी प्रहरी प्रमुख बनिन् डीआईजी दुर्गा
पोखरामा पेस्तोल सहित एक व्यक्ति पक्राउ
गण्डकीमा डायलासिस सेवाको प्रतिक्षामा रहेकाको संख्या शून्यमा झार्ने लक्ष्य पूरा
मगर विद्यार्थी संघ पिएन क्याम्पसको अध्यक्षमा अनोक पुलामी
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग