कास्कीकाे रूपा गाउँपालिका वडा नंं. ३, पाेल्याङफेदीमा साेमबार बिहान भएकाे बस दुर्घटनामा परी एक जनाकाे मृत्यु भएकाे छ ।

पाेखराकाे अमरसिंहचाेकबाट लमजुङ भाेर्लेटारतर्फ जाँदै गरेकाे ग १ ख ७६८६ नम्बरकाे यात्रुबाहक बस र लमजुङबाट पाेखरातर्फ आउँदै गरेकाे ग १५ प ८४८३ नम्बरकाे माेटरसाइकल आज बिहान पाैने ८ बजे पाेल्याङफेदीमा एकआपसमा ठक्कर खाँदा दुर्घटना भएकाे कास्की प्रहरी प्रवक्ता डिएसपी श्रवण कुमार बिकले गण्डकन्यूजलाई जानकारी दिए ।

दुर्घटनामा परी माेटरसाइकलमा सवार लमजुङकाे मध्यनेपाल नगरपालिका वडा नं. ६, भाेर्लेटारका २३ बर्षका विवेक विककाे मृत्यु भएकाे छ । माेटरसाइकलमा सवार बर्ष २० का दिपेन्द्र विक गम्भीर घाइते भएका छन्। उनकाे गण्डकी अस्पताल पाेखरामा उपचार भइरहेकाे छ ।

दुर्घटनापछि सख्त घाइते भएका दुवै जनालाइ उपचारका लागि गण्डकी अस्पताल पाेखरामा ल्याइएकाेमा उपचारका क्रममा विवेक बिककाे निधन भएकाे कास्की प्रहरीले जनाएकाे छ । अर्का घाइते दिपेन्द्र वि.क. काे अवस्था गम्भीर रहेकाे प्रहरीले जनाएकाे छ ।

प्रहरीले बसका चालक रूपा १ का बिशाल गुरूङलाई नियन्त्रणमा लिएकाे छ ।