पोखरामा स्कूटर चोरीको घटना बढिरहेका छन् । जिल्ला प्रहरी कार्यालय कास्कीले स्कूटर चोरी गरेको आरोपमा एक जनालाई पक्राउ परेको जानकारी दिएको छ ।

पक्राउ पर्नेमा धादिङ नीलकण्ठ नगरपालिका वडा नं.६ घर भइ पोखरा महानगरपालिका वडा नं. ८ बस्ने वर्ष १८ को अविनाश थापा मगर रहेका छन् ।

कास्की प्रहरीका अनुसार मंसिर १६ गते राति करिब ८ बजे मुस्ताङचोकस्थित भित्री सडकमा पार्किङ गरिराखेको ग१५प २५१९ नम्बरको स्कूटर चोरी भएको थियो ।

स्कूटर चोरी भएको सूचना पाएपछि वडा प्रहरी कार्यालयबाट खटिएको टोलीले खोजी गर्नेक्रममा सोमबार नागढुंगामा स्कूटर फेला परेको हो । स्कूटर अविनाशले चलाइरहेको अवस्थामा फेला परेको प्रहरीले जनाएको छ ।

पक्राउ परेका अविनाश विरुद्ध अदालतबाट चोरी तथा डाँका सम्बन्धी मुद्दामा पाँच दिनको म्याद लिएर थप अनुसन्धान गरिरहेको प्रहरीले जनाएको छ ।

प्रहरीले केही दिनअघि मात्रै दुईवटा स्कूटर चोरी गरेको आरोपमा एक बालकलाई पक्राउ गरेको थियो ।